गुगललाई लगाईएको १० करोड यूरो जरिवानामा फ्रान्सेली अदालतको समर्थन

काठमाडौं ।

फ्रान्सको कन्सेल डी’इटात अर्थात, देशको सर्वोच्च प्रशासनिक अदालतले शुक्रबार यसले कुकीज नीतिसँग जोडिएको उल्लङ्घनका लागि अमेरिकी टेक जायन्टलाई १० करोड यूरो जरिवाना लगाउने वाचडगले गरेको निर्णयलाई समर्थन गरेको छ।

फ्रान्सको सीएनआईएल डाटा संरक्षण प्राधिकरणले लगाएको जरिवाना समानुपातिक भएको अदालतले एक विज्ञप्तिमा भनेको रोयटर्सले उल्लेख गरेको छ।

“यसकारण कन्सेल डी’इटाटले गुगलको प्रतिबन्ध रद्द गर्ने मागलाई अस्वीकार गर्दछ”, यसले भन्यो।

यसअघि फ्रान्सको डाटा गोपनीयता निगरानी संस्था सीएनआईएलले गुगललाई कीर्तिमानी १५ करोड यूरो जरिबाना गरेको थियो।

संस्थाले यूजरहरुलाई अनलाइन ट्र्याकरका रुपमा चिनिने कूकी अस्विकार गर्न असहज बनाएको आरोपमा उक्त रकम जरिबाना गरेको थियो।

मेटा प्लेटफर्मको फेसबुकलाई पनि उक्त संस्थाले त्यही विषयमा ६ करोड यूरो जरिबाना गरिसकेको छ।