Technology Khabar १ बैशाख २०७८, बुधबार
काठमाडौं ।
मोबाइल नेटवर्क भर्जिन मिडिया र ओटू बीचको मर्जर अस्थायी रूपमा बेलायतको बजार प्रतिस्पर्धा हेर्ने नियामकद्वारा अनुमोदन गरिएको छ। यी दुईबिच ३१ अर्ब पाउण्ड बराबरको मर्जर भएको हो ।
यस अनुमोदनले बेलायतको सबैभन्दा ठूलो मनोरन्जन र टेलिकम फर्म मध्ये एक सिर्जना गर्दछ, जुन अर्को कम्पनी बीटीको प्रमुख प्रतिद्वन्द्वी हुन सक्ने बीबीसीले रिपोर्ट गरेको छ।
कम्पिटिसन एण्ड मार्केट अर्थोरिटीले गत डिसेम्बरमा प्रस्तावित एक अनुसन्धान शुरू गरेको थियो ।
विश्लेषकहरूले यसलाई ‘ब्लकबस्टर मर्जर’ भएको बताएका छन् जसले उपभोक्ताहरूको लागि बढी छनौट सिर्जना गर्दछ।
ओटूसँग ३ करोड ४० लाख मोबाइल फोन प्रयोगकर्ता छन्, जबकि भर्जिनको ६० लाख ब्रोडब्यान्ड र केबल टिभी ग्राहक छन् भने ३० लाख मोबाइल प्रयोगकर्ताहरु छन् ।
यसको आफ्नै ग्राहकहरू हुनुका साथै ओटूले टेस्को मोबाइल, गिफगाफ र स्काई मोबाइलका लागि नेटवर्क प्रदान गर्दछ।
यसअघि नियमनकारीले सो मर्जले बजारमा ग्राहकहरुलाई सेवाका लागि थप रकम तिर्नुपर्ने हुनसक्ने चिन्ता गरेको थियो तर अहिले भने अनुसन्धानमार्फत मर्जरले प्रतिस्पर्धामा कुनै कमी ल्याउने सम्भावना नभएको निष्कर्षमा पुर्यायो ।
प्रकाशित: १ बैशाख २०७८, बुधबार