Technology Khabar ३१ जेष्ठ २०७३, सोमबार
काठमाडौं ।
काठमाण्डौं, ३१ जेठ । सामसुंगले ल्याउन लागेको नयाँ नोट फोनको नम्बर ६ नभई ७ हुने समाचार यसअघि नै सार्वजनिक भईसकेको हो । आगामी ग्यालेक्सी नोट सेभेनको (Galaxy note 7) बारेमा हालै लीक भएको जानकारीअनुसार ग्यालेक्सी नोट सेभेन एज भर्सनमा (Edge version) आउने भएको छ ।
सामसुंगको नयाँ नोट फोन ग्यालेक्सी नोट सेभेनको दुबैतर्फ स्क्रीन घुमाउरो आकारको हुनेछ । अर्थात यो हेर्दा अहिले बजारमा रहेको सामसुंग ग्यालेक्सी एस सेभेन एज (Galaxy S7 Edge) जस्तै हुनेछ ।
लीक भएको तस्वीरमा यसको प्यानेलबाट चहकिलो प्रकाश आईरहेको छ र त्यसमा “राइट अन दि एज अफ समथिंग ग्रेट” Write on the edge of something great लेखिएको छ । यसबाट यो प्रस्ट हुन्छ की सामसुंगले ग्यालेक्सी नोट सेभेन एज सार्वजनिक गर्ने तयारी गरेको छ ।
यसअघि कम्पनीले नोट सिक्सको नाममा सार्वजनिक गर्ने भनिएको नयाँ नोट फोनलाई कम्पनीले आफ्ना ग्यालेक्सी सिरिजको एस सेभेन र एस सेभेन एजसँग जोडा मिलाउन नोट सेभेन नाममा ल्याउन लागेको हो ।
सामसुंग ग्यालेक्सी नोट सेभेन एजमा ५.८ इन्चको डिस्प्ले हुनसक्नेछ, जुन कब्र्ड स्लीम आरजीबी एमोलेड डिस्प्ले हुनेछ । नोट सेभेनको डिस्प्लेको रिजोल्यूशन क्वाड एचडी हुनेछ ।
यो फोनमा क्वाड-कोर क्वालकम स्न्यापड्रयागन ८२३ चीपसेटका साथमा ६ जीबीको र्याम राखिनेछ । यसमा ४,००० एमएएचको ब्याट्री व्याकअपका साथमा यूएसबी टाइप सी चार्जिंग हुनेछ ।
यो फोन अहिलेको एस सेभेन तथा एस सेभेन एज जस्तै आईपी ६८ सर्टिफिकेटसहितको वाटर एण्ड डस्ट रेसिस्ट्यान्ट हुनेछ । त्यसैगरी यसमा १२ मेगापिक्सेलको रियर क्यामरा तथा ५ मेगापिक्सेलको फ्रन्ट क्यामरा हुनेछ भने यसमा अलवेज अन डिस्प्ले फीचर पनि हुने अपेक्षा गरिएको छ ।
सामसुंगले ग्यालेक्सी नोट सेभेन एज यहि अगस्टको पहिलो साता सार्वजनिक गर्ने अनुमान छ ।
प्रकाशित: ३१ जेष्ठ २०७३, सोमबार