भायनेटले भन्यो- चोरी भएको डाटा वेबबाट हटाउन प्रहरीसँग सम्पर्क, आन्तरिक अनुसन्धान जारी

Technology Khabar २६ चैत्र २०७६, बुधबार

भायनेटले भन्यो- चोरी भएको डाटा वेबबाट हटाउन प्रहरीसँग सम्पर्क, आन्तरिक अनुसन्धान जारी
Classic Tech

इन्टरनेट सेवा प्रदायक कम्पनी भायनेटले आफ्ना ग्राहकहरुको डाटा ह्याक भएको जानकारी गराउँदै हाल प्राविधिक कमजोरीलाई समाधान गरिएको जानकारी दिएकोछ ।

कम्पनीकाअनुसार सो डाटा ह्याकमा ग्राहकरुहको नाम, ठेगाना, इमेल एड्रेस र फोन नम्बर लीक भएको स्वीकार गरेको छ । कम्पनीले ग्राहकहरुको सो जानकारी कम्पनीको सिस्टममा अनधिकृतरुपमा प्रवेश गरेर चोरीएको जानकारी गराएको छ ।

इन्टरनेट सेवा प्रदायक भायनेटका १ लाख ६० हजार ग्राहकहरुको डाटा लीक

 

भायनेटद्धारा जारी विज्ञप्तिकाअनुसार कम्पनीले हाल नेपाल प्रहरीको साइबर क्राईम ब्यूरोसँग समेत सम्पर्क गरिएको र डार्क वेबमा राखिएको डाटा हटाउने प्रकृया गर्न सम्बन्धित अधिकारीहरुलाई अनुरोध गरिएको छ ।

सो डाटा ह्याकिङ्ग प्रकरणमा कम्पनीले आन्तरिकरुपमा अनुसन्धान गरिरहेको र साइबर सेक्यूरिटी विज्ञहरु तथा ब्यूरोसँग समेत सहकार्य गरिएको जानकारी गराएकोछ ।

कम्पनीले सो विषयलाई छिटै समाधान गर्ने प्रयास गरिएको भन्दै आफ्ना ग्राहकहरुका लागि एडभाइजरी समेत जारी गरेको छ ।

कुनैपनि अनधिकृत नम्बरबाट आएको कल वा एसएमएस नलिन र भेरिफाईड नभएका संकास्पद ईमेलहरु नलिनका लागि समेत भनेको छ । त्यसैगरि कुनै व्यक्तिगत जानकारीहरु समेत त्यसमा नदिन ग्राहकहरुलाई अनुरोध गरिएको छ ।

‘यसका साथै कम्पनीले सो घट्नामा क्षमा माग्दै सो ह्याकिङ्ग प्रकरणको आधारसम्मै पुग्ने,’ कम्पनीका प्रबन्ध निर्देशक बिनय बोहराद्धारा जारी विज्ञप्तिमा उल्लेख छ ।

 

TK Viber

प्रकाशित: २६ चैत्र २०७६, बुधबार

Loading...