Technology Khabar २३ फाल्गुन २०७२, आईतवार
काठमाडौं ।
काठमाडौं, २३ फागुन । लगनखेलस्थित ललितपुर मलमा रहेको ललितपुर मोबाइल कम्प्लेक्सले नेपालीहरुको महान चाड शिवरात्रीको अवसरमा सामसुंगका प्रिमियम सेटहरुको खरिदमा पावरब्यांक उपहारमा दिने भएको छ ।
ललितपुर मोबाइल कम्प्लेक्सले सामसुंगका ग्यालेक्सी ए सेभेन (Galaxy A7), ग्यालेक्सी ए एट (Galaxy A8), ग्यालेक्सी एस फाइभ (Galaxy S5), ग्यालेक्सी एस सिक्स (Galaxy S6) र एस सिक्स एज (S6 Edge) तथा नोट फाइभ (Note 5)मा रु ३,००० मूल्य बराबरको पावर ब्यांक निशुल्क उपहारमा दिने भएको कम्पनीले जनाएको छ ।
कम्प्लेक्सले सामसुंगका अन्य मोडलहरुका स्मार्टफोनका साथै हुवावे, माइक्रोसफ्ट, नोकिया, सोनी, जियोनी ब्राण्डका स्मार्टफोनको खरिदमा ७ देखि २५ प्रतिशतसम्मको छुट दिएको छ । उक्त छुट मोबाइल खरिदमा तत्काल प्राप्त गर्न सकिने कम्पनीले जारी गरेको प्रेस विज्ञप्तिमा उल्लेख छ ।
कम्प्लेक्समा आउने ग्राहकहरुलाई मोबाइलको रिपेयर तथा विभिन्न एसेसरिजमा लागत मूल्यमा नै सेवा दिईने योजना पनि ल्याएको छ । यो योजनामा ग्राहकहरुले मोबाइल रिपेयर गर्न तथा एसेसरिज खरिदको सेवा लागत मूल्यमा नै पाउने छन् । यो योजनाले अन्य बजारहरुमा दिईने सेवा र एसेसरिज भन्दा निकै सस्तोमा सेवा प्राप्त गर्ने कम्पनीको दाबी छ ।
प्रकाशित: २३ फाल्गुन २०७२, आईतवार