Apple

एप्पलको ‘हे सिरि’ अब म्याकमा आउँदै, थप नयाँ फीचरपनि साथै आउने

एप्पलको ‘हे सिरि’ अब म्याकमा आउँदै, थप नयाँ फीचरपनि साथै आउने
मिचेल स्टिबरद्धारा बनाईएको सिरि मोकअप
Global IME Bank

काठमाडौं, १३ फागुन । एप्पलको पर्सनल एसिस्टेन्स ‘सिरि’ (Siri) कम्पनीका अन्य डिभाइसहरुमा कहिले आउँछ भनेर प्रतिक्षामा रहेका ग्राहकहरु लाई एप्पलले खुशी तुल्याउने भएको छ । कम्पनीले छिटै म्याक अपरेटिंग सिस्टमका लागि सिरि सार्वजनिक गर्ने भएको नाइन टू फाइभ म्याकले उल्लेख गरेको छ ।

एप्पलले म्याक अपरेटिंग सिस्टम एक्सका (Mac OS X) लागि सिरि उपलब्ध गराउने भएको छ । कम्पनीले यस अघि नै आउन लागेको म्याक ओएस एक्स १०.१२ भर्सनमा सिरि उपलब्ध गराउने योजना सार्वजनिक गरिसकेको छ । सिरि यहि समरमा वल्र्ड वाइड डेभलपर्स कन्फ्रेन्स ( डब्लूडब्लूडिसी) मा सार्वजनिक गर्ने अनुमान गरिएको छ भने फल सिजनमा प्रयोगकर्ताका लागि उपलब्ध हुन सक्नेछ ।

म्याक ओएस एक्स भर्सनका लागि सिरिको निर्माण सन् २०१२ मा नै परिक्षण गरिसकेपनि यो वर्ष जब एप्पलले सिरि सार्वजनिक गर्नेछ, त्यसपछि मात्र यूजर एक्सपेरियन्सले थप उपलब्धी हासिल गर्नेछ । सिरि पहिलो पटक आईफोनमा राखिएको थियो भने एप्पल वाच तथा एप्पल टिभीमा सार्वजनिक भईसकेको छ ।

पर्सनल एसिस्टेन्स सिरि म्याकका लागि मेनू बारको भित्र हुनेछ, जुन दायाँ कुनाको माथिल्लो भागमा रहनेछ । त्यहाँ भएको सिरि आईकनले भ्वाइस कन्ट्रोल फीचर (Voice Control Feature) एक्टिभेट गर्नेछ । जब प्रयोगकर्ताले यो आइकनमा क्लिक गर्नेछन्, त्यसपछि प्रयोगकर्ताले कालो पारदर्शी इन्टरफेस देख्नेछन् । त्यसैगरी यसलाई स्पीचलाई बुझ्ने रंगिन साउण्ड वेभले पुरा गर्नेछ ।

सिरि म्याकको सिस्टम प्रिफेरेन्समा पनि आउनेछ, जहाँ प्रयोगकर्ताले यसलाई एक्टिभेट गर्न सर्टकर्ट किबोर्ड छनौट गर्न सक्नेछ । यो छनौटपछि म्याक खोल्ने बित्तिकै ‘हे सिरि’ (Hey Siri) कमाण्डले काम गर्न सक्नेछ । यहिले यस्तै किसिमको पर्सनल एसिस्टेन्स कमाण्ड माइक्रोसफ्टको विण्डोज १० भर्सनमा रहेको छ । त्यहाँ ‘हे कोर्टाना‘ भन्ने भ्वाइस कन्ट्रोल फीचर राखिएको छ ।

यसका साथै एप्पलले म्याक ओएस एक्स १०.१२ भर्सनमा विभिन्न थप फीचरहरु रहनेछन्, जुन अहिले जानकारीमा आएका छैनन् ।

Sajilo Visa
easy care