पोलको २०० प्रतिशत बढेको भाडा नमान्ने आइस्पानको भनाई, नत्र ग्राहक सेवा शुल्क बढाउनुपर्ने माग

Technology Khabar ११ भाद्र २०७७, बिहीबार

पोलको २०० प्रतिशत बढेको भाडा नमान्ने आइस्पानको भनाई, नत्र ग्राहक सेवा शुल्क बढाउनुपर्ने माग
NTC_Advt

इन्टरनेट सेवा प्रदायक कम्पनीहरुले हाल बढेको पोलको भाडा दर व्यवहारीक नभएको भन्दै विरोध जनाएका छन् ।

उनीहरुले महामारीको बेलामा नेपाल विद्युत प्राधिकरणले २०० प्रतिशतसम्म पोलको भाडा बढाउनु जायज नभएको भन्दै नयाँ दर रेट नै लागू गरिएमा इन्टरनेटको भाउ बढाउने चेतावनी दिए ।

इन्टरनेट सेवा प्रदायक संघ नेपालको हिजो बसेको बैठकले समेत नेपाल दूरसञ्चार प्राधिकरणसँग यस बारेमा छलफल गर्ने र सो भाडा दर अस्विकार गर्ने निर्णय गरेको छ ।

आइस्पानका अध्यक्ष भोजराज भट्टले यो मूल्य दर नघटेमा मूल्य बढाउनुपर्ने बताए ।

‘हामीले एनटिएका अध्यक्षलाई पनि जानकारी दिनेछौं र २०० प्रतिशत बढाएको मूल्य नघटेमा इन्टरनेटको मूल्य बढाउनुपर्नेछ,’ अध्यक्ष भट्टले भने ।

उनले अहिलेको यो अवस्थामा कसैले पनि मूल्य बढाउन नहुने भन्दै २०० प्रतिशत वृद्वि सरकारको कालोबजारी भएको दाबी गरे ।

आइस्पानका पूर्वअध्यक्ष विनय बोहराले भने यसमा पुर्नविचार गरिनुपर्ने भन्दै प्रति पोलको भाडा दरको आधारमा लागू गर्नुपर्ने बताए ।

‘ग्रामीण भेगमा इन्टरनेट सेवा लैजाने भनेर भनिएको छ तर यसले गाउँमा तार लानलाई नै महंगो बनाएको छ, यसमा विचार गर्नुपर्दछ ।’ उनले भने ।

हालै विद्युत प्रधिकरणले इन्टरनेटको तार तान्न प्रयोग हुने पोलको नयाँ भाडा दर पारित गरेको छ ।

यो पनि हेर्नुस्-

विद्युतको पोल र ओपीजीडब्लू फाइबरको नयाँ भाडा दर: इन्टरनेट सेवा प्रदायकको लागि थप लागत

TK Viber

प्रकाशित: ११ भाद्र २०७७, बिहीबार

Loading...