LG

एलजी ‘जी प्याड टू ८.३ एलटीई’ ट्याबको घोषणा, माइक्रोसफ्ट अफिस एप्स चलाउन सकिने एन्ड्रोयड ट्याब

एलजी ‘जी प्याड टू ८.३ एलटीई’ ट्याबको घोषणा, माइक्रोसफ्ट अफिस एप्स चलाउन सकिने एन्ड्रोयड ट्याब
Global IME Bank

काठमाण्डौं, ८ पुस । एलजीले ८ इन्च तथा १०.१ इन्च मोडलको ट्याबलेट सार्वजनिक गरेपछि अहिले ८.३ इन्च स्क्रीन साइजको नयाँ ट्याबलेट सार्वजनिक गरेको छ ।

कम्पनीले एलजी जी प्याड टू ८.३ एलटीई (LG G Pad II 8.3 LTE) ट्याबलेट सार्वजनिक गरेको हो । यो ट्यालबेटमा ८.३ इन्चको डिस्प्ले राखिएको छ, जसको रिजोल्यूशन १९२०X१२०० पिक्सेल रहेको छ ।

कम्पनीको यो ट्यालबेटमा १.५ गीगाहर्जको अक्टा-कोर क्वालकम स्न्यापड्रयागन ६१५ प्रोसेसर राखिएको छ । त्यसैगरी यसमा २ जीबीको र्याम तथा १६ जीबीको इन्टरनल स्टोरेज रहेको छ, जसलाई बढाएर १२८ जीबीसम्म पुर्याउन सकिन्छ ।MobilesKhabar_1

यो ट्याबमा अटोफोकस भएको ८ मेगापिक्सेलको रियर क्यामरा तथा २ मेगापिक्सेलको फ्रन्ट फेसिंग क्यामरा राखिएको छ ।

एलजीको ट्याबलेट एन्ड्रोयडको ५.१.१ ललीपप भर्सनमा संचालन हुन्छ भने यसमा मार्शमाल्लो अपडेट गर्न सकिनेछ ।

ट्याबलेटमा कनेक्टिभीटिका लागि एलटीई, ब्लूटूथ ४.१ भर्सन, वाई-फाईलगायतका अप्शन रहेको छ भने यसमा २.० यूएसबी पोर्ट रहेको छ ।

यो ट्याबलेट ८.८ मिलिमीटर मोटाइ तथा ३६६ ग्राम तौल भएको छ भने यसमा ४८०० एमएएचको ब्याट्री राखिएको छ ।

एलजी जी प्याड टू ८.३ एलटीई ट्याबमा माइक्रोसफ्ट अफिस एप्स (Microsoft Office App) लगायतका केहि एप्स पहिले नै राखिएका हुनेछन् ।

यो ट्याबलेट हाल दक्षिण कोरियामा मात्र उपलब्ध हुनेछ भने स्थानिय कम्पनीहरुको सहकार्यमा एलजी यू प्लसले आजदेखि बिक्री शुरु गरेको छ । यो ट्याबको मूल्य कति हुने र यो अन्य देशहरुमा कहिलेदेखि उपलब्ध हुन्छ भन्ने कुनै जानकारी छैन् ।

Sajilo Visa
easy care