Technology Khabar १७ पुष २०७२, शुक्रबार
काठमाडौं ।
काठमाडौं, १७ पुस । जियोनिले ईलाइफ एस सेभेनको (Gionee Elife S7) मूल्यमा कटौती गरेको छ । कम्पनीले नेपाली बजारमा नयाँ वर्ष २०१६ को अवसरमा ईलाइफ एस सेभेन मोडलको मूल्यमा ५ हजार ३ सय रुपैंयाले कटौती गरेको हो ।
नेपाली बजारमा गत अप्रिल १२ तारिखमा भित्रिएको सन् २०१५ को जियोनिको फ्ल्यागशीप मोडेल जियोनि ईलाइफ एस सेभेन नेपाली बजारमा नयाँ वर्षको उपलक्ष्यमा २६ हजार ६ सय ९९ रुपैयाँ को विशेष मूल्यमा उपलब्ध हुने कम्पनीले जानकारी दिएको छ । यसअघि यो फोनको मूल्य नेपाली बजारमा ३१ हजार ९ सय ९९ रुपैयाँ रहेको थियो ।
जियोनि ईलाइफ एस सेभेनमा एविएशन ग्रेड एलोएले बनेको ५.५ मिलिमिटरको पातलो आकर्षक डिजाइन रहेको छ । यसमा ५.२ इन्चको १०८० पिक्सेलको फुल एचडि सुपर एमोलेड स्क्रीन रहेको छ । एस सेभेनमा १३ मेगपिक्सेलको रियर क्यामेरा र ८ मेगापिक्सलको फ्रन्ट क्यामेरा छ ।
यो फोनमा १.७ गिगाहर्जको ६४ बिटको अक्टाऔकोर प्रोसेसर रहेको छ भने एन्ड्रोयड ५.० भर्सनमा आधारित अमिगो ३.०(Amigo 3.0) ओएस रहेको छ । यसमा २७५० एमएएचको ब्याट्री राखिएको छ भने यसमा भएको एक्स्ट्रिम पावर सेभिङ्ग मोडले अरु फोनभन्दा यो फोन प्रयोगको समय बढि रहेको छ । दुवैपट्टि कोर्निंग गोरिल्ला ग्लास ३ द्धारा सुरक्षित गरिएको यो फोन एल्मुनियम म्याग्नेसियम एलोएको युनिबडि डिजाइनले गर्दा बलियो रहेको कम्पनीको प्रेस विज्ञप्तिमा उल्लेख छ ।
त्यसैगरी जियोनिले नेपाली ग्राहकहरुका लागि भनेर २०१६ मा केहि नयाँ मोडेलहरु चाँडै नै ल्याउने जानकारी दिएको छ ।
प्रकाशित: १७ पुष २०७२, शुक्रबार