Apple

एप्पल आइफोन सेभन सी आगामी सेप्टेम्बरमा, सिक्स सीको साटो सेभेन सी आउँदै

एप्पल आइफोन सेभन सी आगामी सेप्टेम्बरमा, सिक्स सीको साटो सेभेन सी आउँदै
Global IME Bank

काठमाडौं, २० मंसिर । पछिल्लो दिनहरुमा एप्पलको ४ इन्चको स्क्रीन भएको आईफोन सार्वजनिक हुने चर्चाहरु चलिरहेका छन् । एप्पलले आईफोन फाइभ सीको नयाँ संस्करण ल्याउने र त्यसको नाम आईफोन सिक्स सी (iPhone 6C) रहने विभिन्न संचारमाध्यममा समाचार आईरहेको बेलामा थप नयाँ जानकारी आएको छ ।

एप्पलको नयाँ आईफोन सिक्स सीको लाइभ तस्विर सार्वजनिक भएको छ र यस्तो तस्विरमा नयाँ आईफोनको पछाडिको कभरको तस्विर देखिएको छ ।

यसअघि यो स्मार्टफोन आईफोन सिक्स एस र सिक्स एस प्लससँगै लन्च हुने चर्चा गरिएको भएपनि त्यस्तो भएन् । तर अहिले यो फोनको ब्याक कभरको तस्विर सार्वजनिक भएसँगै यो फोन छिटै बजारमा आउने संभावना देखिएको छ ।

सार्वजनिक भएको तस्विरको आधारमा हेर्दा यसअघि चर्चा भएजस्तो आईफोन सिक्स सी आउने नभई कम्पनीले ४ इन्च स्क्रीन भएको आईफोन सेभेन सी (iPhone 7C) ल्याउने तयारी गरिरहेको छ ।

हालै सार्वजनिक भएको सूचना एप्पलको मूख्य उत्पादक कम्पनी फक्सकनको आपूर्तीकर्ताबाट आएको हो । त्यहि आधारमा यो आईफोन सेभेन सी आगामी सेप्टेम्बरसम्म आउन सक्ने अनुमान गरिएको छ । त्यतिबेलासम्म आईफोन सेभेन (iPhone 7) पनि सार्वजनिक गर्ने समय भईसकेको हुनेछ । आईफोन सेभेन सीको मूल्य करिब ४०० देखि ५०० अमेरिकी डलरसम्म पर्ने अनुमान पनि गर्न शुरु गरिसकिएको छ ।

आईफोन सेभेन सीको बारेमा विभिन्न जानकारी र तस्विर सार्वजनिक भएपनि अहिलेसम्म स्पष्ट जानकारीहरु बाहिर आउन सकेका छैनन् । त्यसैले यो सूचना शंकाको घेरामा नै रहेको छ ।

अर्कोतर्फ केहि सूचनाहरुमा भने एप्पलले आईफोन सेभेन लन्च गर्नुभन्दा पहिले नै ४ इन्च स्क्रीनभएको आईफोन सिक्स सी सार्वजनिक गर्ने तयारी गरिरहेको बताईएको छ । एजेन्सीको सहयोगमा

यो पनि हेर्नुहोस्-

आईफोन सेभेनमा ३ जीबीको र्याम र वाटरप्रुफ प्रविधि हुनसक्ने

एप्पलले ४ इन्च स्क्रीन भएको फोन ल्याउने, आईफोन सिक्स सी छिटै आउनसक्ने

Sajilo Visa
easy care