एप्पल वाचको ढुवानी लगातार दोस्रो वर्ष घट्यो

काठमाडौं ।

सन् २०२४ स्मार्टफोनको क्षेत्रमा एप्पलको लागि उत्कृष्ट वर्ष भए पनि यसको स्मार्टवाचको ढुवानीले त्यति राम्रो प्रदर्शन नगरेको उल्लेख छ। काउन्टरपोइन्ट रिसर्चको रिपोर्ट अनुसार, सन् २०२४ मा एप्पल वाचको ढुवानी १९ प्रतिशतले घटेको छ। एप्पलले भारत बाहेक सबै क्षेत्रहरूमा आफ्नो स्मार्टवाचको मागमा गिरावट आएको रिपोर्टले उल्लेख गरेको छ।

परम्परागत रूपमा क्युपर्टिनोको प्रमुख वृद्धि चालकको रुपमा रहेको उत्तर अमेरिकाभरि एप्पलले उल्लेखनीय गिरावट देखेको छ। यसको अतिरिक्त, सन् २०२४ को चौथो त्रैमासिकमा एप्पल वाचको ढुवानीमा आएको यो गिरावटको साथ लगातार पाँचौं त्रैमासिकमा आएको गिरावट भएको उल्लेख गरिएको छ। काउन्टरपोइन्टको रिपोर्टले नयाँ एप्पल वाच एसई मोडेलको अभाव घट्दो ढुवानीको लागि ठूलो कारक भएको सुझाव दिएको छ। त्यसैगरी वाच सिरिज १० मा न्यूनतम अपग्रेड निराशाजनक नतिजाहरूको लागि अर्को ठूलो कारक रहेको उल्लेख गरिएको छ।

अर्कोतर्फ, एप्पलका सबै प्रतिस्पर्धीहरूले भने स्मार्टवाचको ढुवानीमा वृद्धि देखेको बताइएको छ। एप्पललाई ट्रयाकमा फर्कनको लागि अपडेट गरिएको वाच अल्ट्रा ३ र अर्को पुस्ताको वाच एसईले मद्दत गर्न सक्ने सम्भावना रहेको जीएसएमएरिनाले उल्लेख गरेको छ।