गुगल प्रविधिमैत्री उत्पादन पहलको साथ चलचित्र र टिभी कार्यक्रमहरूको निर्माणमा फर्कने

काठमाडौं ।

गुगलले १०० जेरोज नामक “उत्पादन पहल” मार्फत आफ्नै चलचित्र र टेलिभिजन कार्यक्रमहरू उत्पादन सुरु गर्ने योजना बनाएको बिजनेस इनसाइडरले रिपोर्ट गरेको छ।

कम्पनीले युवा दर्शकहरूलाई आकर्षित गर्ने र “गुगलको उत्पादनहरूलाई राम्रो प्रकाशमा देखाउन सक्ने” परियोजनाहरू पहिचान गर्नको लागि प्रतिभाशाली व्यवस्थापन र उत्पादन कम्पनी रेञ्ज मिडिया पार्टनर्ससँग काम गरिरहेको छ।

प्रोडक्ट (उत्पादन) प्लेसमेन्टको अवसरको अतिरिक्त यस योजनाको मुख्य लक्ष्य भनेको प्रविधिलाई राम्रो तरिकाले देखाउने परियोजनाहरूलाई कोष प्रदान गर्नु र रचनात्मक उद्योगलाई गुगलका उत्पादनहरू प्रयोग गर्न प्रोत्साहित गर्नु भएको बताइएको छ। यसले इमर्सिभ भ्यू, गुगल म्याप्समा समावेश गुगलको थ्रीडी एरियल स्क्यान जस्ता टुल्स (उपकरण) अगाडि बढाउन सक्छ भनि बिजनेस इनसाइडरले उल्लेख गरेको छ। गुगलको एआई भिडियो मोडेल, भिओ २ पनि एक प्राकृतिक उम्मेदवार जस्तो देखिन्छ भनि थप उल्लेख गरिएको छ। कम्पनीले जुनसुकै बाटो अपनाए पनि, १०० जेरोजसँग पहिले नै एउटा चलचित्र रहेको बताइएको छ भने यो पहलले इन्डी हरर फिल्म (डरलाग्दो चलचित्र) ‘कुकु’को मार्केटिङको लागि भुक्तानी गर्न मद्दत गरेको बताइएको छ।

कम्पनीले एक्समा साझा गरेको पोस्टमा १०० जेरोज कुनै स्टुडियो नभएको, तर फिल्म निर्माताहरूलाई उनीहरूको निर्माणमा एक्सआर र एआई समावेश गर्न मद्दत गर्न सिर्जना गरिएको भनि पुष्टि गरेको छ।

गुगलसँग यसको निष्क्रिय युट्युब रेड ओरिजिनल्स कार्यक्रम मार्फत मनोरञ्जन उद्योगमा केही अनुभव रहेको बताइएको छ। युट्युबले पहिलो पटक युट्युब रेड सुरु गर्दाको सदस्यता सेवा जुन अब युट्युब प्रिमियम भनिन्छ, यसले उल्लेखनीय युट्युब प्रतिभाहरू प्रस्तुत गर्ने मौलिक सामग्रीको स्लेटसहित भिडियोहरू प्रस्तुत गरेको थियो। यस कार्यक्रम अन्तर्गत धेरै कार्यक्रमहरू र चलचित्रहरू उत्पादन गरिएको उल्लेख छ, जसमा लोकप्रिय श्रृंखलाहरू समावेश थिए जुन अन्ततः कोब्रा काई जस्ता अन्य स्ट्रिमिङ सेवाहरूहरूले चयन गरे पनि नेटफ्लिक्सको साँचो प्रतिस्पर्धी भने बन्न नसकेको उल्लेख गरिएको छ।

१०० जेरोज अर्को युट्युब रेड जस्तो नभएको र यो सम्भावित गुगलको स्वादको साथ मौलिक सामग्री बनाउन र अन्य वितरकहरूलाई बिक्री गर्नको लागि एक परम्परागत रणनीति भएको इनग्याजेटले उल्लेख गरेको छ।