एलजीका फोनहरुमा आगामी जुलाईदेखि सफ्टवेयर अपडेट बन्द हुने

काठमाडौं ।

एलजीले सन् २०२१ मा स्मार्टफोन व्यवसायबाट बाहिरिने घोषणा गरेपछि आफ्ना प्रयोगकर्तालाई तीन वर्षसम्म सबै प्रकारका समर्थन उपलब्ध गराउने प्रतिबद्धता जनाएको थियो। तर त्यो समर्थन अब सकिन लागेको छ। कम्पनीले हालै जानकारी गराएको अनुसार सन् २०२५ को जुलाईपछि एलजीफोनहरूले सफ्टवेयर अपडेट पाउने छैनन्।

एलजीले आफ्नो आधिकारिक सर्भर जुन सफ्टवेयर अपडेटहरू धकेल्ने काम गर्छ, केही महिनाभित्र बन्द गर्न लागेको जनाएको छ। यसको अर्थ अब कम्पनीबाट कुनै पनि सुरक्षा अपडेट आउने छैन। धेरै प्रयोगकर्ताहरूले पहिले नै अन्य ब्रान्डमा सर्न थालिसकेको हुन सक्छन्, तर यदि तपाईं अझै एलजीफोन प्रयोग गर्दै हुनुहुन्छ भने अहिले नै अपग्रेड गर्ने उपयुक्त समय हो।

न्युज१८ का अनुसार एलजीले एलजीब्रिज र अपडेट सर्भर बन्द गर्ने योजना बनाएको छ। एलजीब्रिज भनेको एउटा उपकरण हो, जसको माध्यमबाट प्रयोगकर्ताले आफ्नो डाटा ब्याकअप गर्न सक्थे र फोनका लागि अपडेटहरू इन्स्टल गर्न सक्थे।

यी सेवाहरू बन्द भएपछि एलजी फोनहरू ठूलो सुरक्षा खतराको शिकार बन्ने सम्भावना बढ्छ र साइबर आक्रमणकर्ताहरूका लागि सजिलो लक्ष्य बन्न सक्छन्। कम्पनीले समयसीमा तय गर्नुको अर्थ, धेरै प्रयोगकर्ताहरूले यसअघिनै अन्य ब्रान्डहरूमा सरिसकेको अनुमान गर्न सकिन्छ।

भारतजस्तो बजारमा एलजीको घरेलु उपकरण क्षेत्रमा ठूलो प्रभाव भए पनि मोबाइल फोन व्यवसाय कम्पनीको अपेक्षाअनुसार चलेन। केहीलाई थाहा नहुन सक्छ, एलजीले गुगलसँग मिलेर शुरुवाती नेक्सस फोनहरू बनाएको थियो जसलाई पछि पिक्सेल फोनहरूले प्रतिस्थापन गरे।

एलजीको बजार रणनीति केही हदसम्म सोनीजस्तै देखिन्थ्यो। फरक मूल्य वर्गमा फोन उपलब्ध गराए तापनि, चिनियाँ ब्रान्डहरूको बहुआयामिकता अभावले यसको पकड कमजोर बनायो। यद्यपि एलजीले एलजीविङ जस्ता प्रयोगात्मक डिजाइनमार्फत कहिलेकाहीँ चकित पारेको थियो, जसमा घुमाउन मिल्ने मल्टि-स्क्रिन सुविधा थियो।