Technology Khabar १७ चैत्र २०८१, आईतवार
काठमाडौं ।
नेपाल दूरसञ्चार प्राधिकरणले रेडियो फ्रिक्वेन्सी सिग्नल (मोबाइल सिग्नल) बुस्टर तथा एमप्लिफायरको अवैध रुपमा प्रयोग भईरहेको भन्दै त्यस्तो कार्य नगर्न/नगराउन चेतावनी दिएको छ।
दूरसञ्चार क्षेत्रको नियामक निकाय प्राधिकरणले “नेपालका केही स्थानहरु (सीमावर्ती क्षेत्रहरुमा समेत) विदेशी दूरसञ्चार सेवा प्रदायकहरुको सेवा प्रयोग गर्न सिग्नल स्ट्रेन्थ बढाउने गरी मोबाइल सिग्नल बुस्टर तथा एमप्लिफायरको प्रयोग भईरहेको भन्ने बुझिन आएको” सूचनामा भनेको छ।
यस्तो कार्य रेडियो ऐन, २०१४ को दफा ३ तथा दूसञ्चार ऐन, २०५३ को दफा २१ को प्रावधान विपरितको कार्य भएकोले यस्तो कार्य नगर्न/नगराउन सम्बन्धित सबैलाई सचेत गराएको छ।
मोबाइल सिग्नल बुस्टर तथा एमप्लिफायरको प्रयोग गरेको पाईएमा दूरसञ्चार ऐन, २०५३ तथा प्रचलित कानुन बमोजिम कारवाही हुने चेतावनी समेत नियामकले दिएको छ।
प्रकाशित: १७ चैत्र २०८१, आईतवार
