फक्सवागनले २०,००० यूरो मूल्य पर्ने आफ्नो आईडी.एभ्री१ कन्सेप्ट ईभीको अनावरण गर्यो

काठमाडौं ।

फक्सवागनले बुधबार जर्मनीको वुल्फ्सबर्गमा आयोजित एक कार्यक्रममा आफ्नो आगामी इन्ट्री–लेभल इलेक्ट्रिक भेहिकल (गाडी) को अनावरण गरेको छ।

अटोमेकरले आईडी.एभ्री१ कन्सेप्ट (अवधारणा) कारलाई युरोपमा बस्ने जनताका लागि “स्मार्ट, लचिलो र किफायती” ईभी को रूपमा वर्णन गरेको छ। यो ईभीको उत्पादन संस्करण लगभग २०,००० यूरो (२१,५८३ अमेरिकी डलर) बाट सुरु हुने र सन् २०२७ मा आइपुग्ने अपेक्षा गरिएको छ।

यो कारले सानो आईडी.एभ्री१ जस्ता कम्प्याक्ट कारहरूदेखि लिएर ठूला एसयूभीहरू सम्म सबै कुरालाई समर्थन गर्न पर्याप्त लचिलो हुने गरी डिजाइन गरिएको फक्सवागनको एमईबी मोड्युलर प्लेटफर्म प्रयोग गरी आईडी.२अल र आईडी.जीटीआई को स्पोर्ट संस्करणलाई संयोजन गर्दछ।

कम्पनीले सन् २०२७ सम्ममा प्लेटफर्मको फ्रन्ट–ह्वील ड्राइभ संस्करणमा आधारित चार विद्युतीय मोडेलहरू (यो सहित) रोल आउट गर्ने योजना बनाएको छ।

यसका साथै, फक्सवागनले आईडी.एभ्री१ “मौलिक रूपमा नयाँ, विशेष गरी शक्तिशाली सफ्टवेयर आर्किटेक्चर” मा चल्ने यसको पहिलो मोडेल हुनेछ भनी बताएको छ, जुन गत वर्ष घोषणा गरिएको रिभियनसँगको ५ बिलियन अमेरिकी डलर साझेदारीको फल जस्तो हुने सक्ने भनि उल्लेख गरिएको छ।

प्लेटफर्म (पुष्टी नभएको तर सम्भवतः रिभियन–आधारित) लाई अटोमेकरले कनसेप्ट (अवधारणा) कारलाई फ्यिूचर–प्रुफ बनाउने रूपमा वर्णन गरेको छ जसले यसलाई “यसको सम्पूर्ण जीवन चक्रभरि नयाँ फङ्गसनहरूसँग सुसज्जित” हुनका लागि अनुमति दिने उल्लेख गरिएको छ।

बजेट ईभीको रूपमा, यसको स्पेसिफिकेशनहरूले अचम्मित नपारे तापनि मूल्य–सचेत खरीददारहरूको लागि अझै पनि राम्रो सन्तुलन बिन्दुमा पुग्ने सम्भावनाको उल्लेख गरिएको छ।

कनसेप्ट (अवधारणा) कारमा रहेको ७० किलोवाट (९४ हर्सपावर) इलेक्ट्रिक ड्राइभ मोटरको साथ ८० माइल प्रतिघण्टा (१३० किमी प्रति घन्टा) भन्दा बढीको गतिमा पुग्ने बताइएको छ। फक्सवागनले यस कन्सेप्ट कारको कम्तिमा १५५ माइल (२५०किमी) को रेञ्ज रहेको बताएको छ।

कम्प्याक्ट ईभीको लम्बाइ केवल १२.७ फिट लामो भएको र अटोमेकरको यसलाई हाल सेवानिवृत्त! (११.८ फिट) र आईडी.२अल (१३.३ फिट) को बीचमा राखेको छ। आईडी.एभ्री१ मा चारवटा ठाउँ र १०.८ घन फिटको कार्गो भोल्युम पनि रहेको छ।

फक्सवागनले आईडी.एभ्री१ लाई “फ्रम युरोप फर युरोप” (युरोपबाट युरोपको लागि) भनेर वर्णन गरेको इनग्याजेटले उल्लेख गरेको छ।