ओप्पोद्वारा गुगल तथा मिडियाटेकको सहकार्यमा एआई रणनीति अनावरण

काठमाडौं ।

ओप्पोले एमडब्ल्यूसी २०२५ को ओप्पो एआई टेक समिटमा आफ्नो नवीनतम आर्टिफिसियल इन्टेलिजेन्स (एआई) रणनीति घोषणा गरेको छ। कम्पनीले आफ्नो स्मार्टफोनहरूमा उन्नत एआई समाधानहरू एकीकृत गरेर नवीनता, सुरक्षा र प्रणाली–व्यापी एआई संवद्र्धनहरूमा ध्यान केन्द्रित गरेर एआई अनुभवहरूलाई पुनः परिभाषित गर्ने लक्ष्य राखेको छ। यो घोषणाले उद्योगका नेताहरूसँग साझेदारीको माध्यमबाट एआई सीमालाई अगाडि बढाउने ओप्पोको प्रतिबद्धतालाई प्रकाश पार्दछ।

सिस्टम–वाइड इन्टिग्रेसन (प्रणाली–व्यापी एकीकरण) को साथ एआईलाई अगाडि बढाउँदै
एआई अनुप्रयोगहरू विकसित भइरहँदा, ओप्पो कार्यात्मक एआई बाट अझ गहिरो इम्बेडेड प्रणाली–स्तर एआई अनुभवमा परिवर्तन गर्दै छ। कम्पनीले नोट्स, क्यालेन्डर र क्लक जस्ता ओप्पो एपहरूमा जेमिनी एआईलाई एकीकृत गर्न गुगलसँग सहकार्य गरिरहेको छ भने जेमिनी २.० लाई चाँडै नै आफ्ना डिभाइसहरूमा ल्याउने दिशामा पनि काम गरिरहेको उल्लेख छ।

सुरक्षा सुनिश्चित गर्न, ओप्पोले आफ्नो प्राइभेट (निजी) कम्प्युटिङ क्लाउड मार्फत प्रयोगकर्ताको डाटा सुरक्षित गर्न गुगल क्लाउडको कन्फिडेन्सियल (गोप्य) कम्प्युटिङको फाइदा उठाइरहेको उल्लेख छ। एआई रेकर्डिङ समरी, एआई सर्च, एआई स्टुडियो, र एआई कल समरी जस्ता सुविधाहरू वर्षभरि यस सुरक्षा फ्रेमवर्कसँग एकीकृत गरिने भएका छन्।

त्यसैगरी ओप्पोले एआई–ड्रिभन प्रोडक्टिभिटी (संचालित उत्पादकता), क्रियटिभिटी (रचनात्मकता) र इमेजिङ क्षमताहरू पनि बढाइरहेको छ। कम्पनीले ऊर्जा दक्षतामा कुनै सम्झौता नगरी रियल–टाइम प्रोसेसिङ गर्न मिडियाटेकका नवीनतम चिपहरूसँग एआई पर्फमेन्सलाई अप्टिमाइज गर्दैछ। रियल–टाइम कल ट्रान्सलेसन र भ्वाईस समरी प्रदान गर्ने एआई कल ट्रान्सलेटर (अनुवादक) र एआई भ्वाइसस्क्राइब जस्ता नयाँ एआई–संचालित कार्यक्षमताहरूलाई भविष्यका अद्यावधिकहरूमा रोल आउट गरिने बताइएको छ।

एआई पहुँच र भविष्यका आविष्कारहरू विस्तार गर्दै
सन् २०२५ को अन्त्यसम्ममा आफ्नो एआई प्रयोगकर्ताको संख्यालाई झण्डै १०० मिलियनमा दोब्बर पुर्याउने लक्ष्य राख्दै ओप्पो एआई अपनाउने गति बढाउन प्रतिबद्ध रहेको उल्लेख छ। यो हासिल गर्न कम्पनीले प्रति महिना औसत एक एआई अपडेट जारी गर्ने योजना बनाएको छ। एआई सर्च र गहिरो गुगल जेमिनी एकीकरण सहित आगामी आविष्कारहरू ओप्पो फाइन्ड एन५ मा डेब्यू हुनेछ।

एमडब्ल्यूसी २०२५ मा, ओप्पोका नवीनतम एआई–संचालित स्मार्टफोनहरू जस्तै फाइन्ड एन५, रेनो१३ सिरिज र फाइन्ड एक्स८ सिरिजहरूलाई एआई–संचालित प्रगतिहरूसँगै प्रदर्शन गरिएका छन् जसले मोबाइल एआईको भविष्यलाई आकार दिने कम्पनीको समर्पणलाई सुदृढ पार्ने गीज्मोचाइनाले उल्लेख गरेको छ।