विवादका बीच यूट्युब टीभीले हटायो सीबीएस, निकलोडियनलगायत प्यारामाउण्टका च्यानलहरु

काठमाडौं ।

यूट्युब टीभी प्रयोगकर्ताहरूले बिहीबार फेब्रुअरी १३ पछि सीबीएस र सीबीएस स्पोर्ट्ससहित प्यारामाउन्टका अन्य च्यानलहरू हेर्न नपाउने भएका छन्। यूट्युबले जारी गरेको घोषणा अनुसार कम्पनी हाल प्यारामाउन्टसँग सम्झौताको मध्य चरणमा छ, जसले पछि तिनीहरूका च्यानलहरू निरन्तर उपलब्ध गराउन सक्नेछ।

यूट्युबका अनुसार, अतिरिक्त लागत प्रयोगकर्तामाथि नबढ्ने गरी सम्झौता गर्न प्रयास भइरहेको छ, जसले आर्थिक सम्झौतामा सहमति जुट्न नसकेको संकेत गर्छ। साथै, यूट्युब प्रयोगकर्ताहरूलाई मनपर्ने खेलकुद कार्यक्रम र शोहरू हेर्ने तरिकामा बढी लचकता दिने सम्झौताका लागि पनि प्रयासरत रहेको छ।

इसीबीएस र सीबीएस स्पोर्ट्स बाहेक, प्रभावित हुने अन्य च्यानलहरूमा स्पोर्ट्स निकलोडियन, बीईटी, कमेडी सेन्ट्रल, एमटीभी र भीएच१ समावेश छन्। यूट्युब टीभीका लागि उपलब्ध केही एड-अनहरू, जस्तै प्यारामाउन्ट प्लस विथ शोटाइम, पनि अब उपलब्ध नहुनेछन्।

यूट्युब ले प्यारामाउन्ट का च्यानलहरू आफ्नो सेवामा २०२० मा थपेको थियो, जब यसको मासिक शुल्क ५० डलर थियो। हाल यूट्युब टीभीको मासिक सदस्यता शुल्क पहिलो छ महिनाका लागि ७० डलर र त्यसपछि ८३ डलर रहनेछ।

यदि यूंट्युब ले प्यारामाउन्टसँग सम्झौता गर्न सकेन र कम्पनीको सामग्री लामो समयसम्म अनुपलब्ध रह्यो भने, प्रयोगकर्ताहरूलाई ८ डलरको क्रेडिट दिइनेछ। अनपेक्षित रूपमा, यूट्युबले आफ्ना प्रयोगकर्ताहरूलाई प्यारामाउन्ट प्लसको सदस्यता लिन सुझाव दिइरहेको छ, जसको मासिक शुल्क कम्तीमा ८ डलर रहेको छ।

प्यारामाउन्ट ले पनि आफ्ना ग्राहकहरूलाई यूट्युब टीभीमा यसको च्यानलहरू पहुँच गर्न नसकिने चेतावनी दिन थालेको छ। साथै, कम्पनीले यसबारे जानकारी दिने वेबपेज समेत सार्वजनिक गरेको छ।

सो वेबसाइटमा प्यारामाउन्ट ले आफ्ना च्यानलहरू यूट्युब टीभीमा राख्न “न्यायसंगत प्रस्तावहरू” प्रस्तुत गरेको उल्लेख गरेको छ। इन्ग्याजेटलाई दिएको बयानमा, प्यारामाउन्ट का प्रवक्ताले भने, “यूट्युब टीभीले एकतर्फी सर्तहरू स्वीकार गर्न दबाब दिइरहेको छ, र यी बजारविपरीत मागहरूले यूट्युब टीभीबाट प्यारामाउन्ट का नेटवर्कहरूको अनुपलब्धता निम्त्याउन सक्छ। साथै, फेब्रुअरी १३ देखि यूट्युबको प्राइमटाइम च्यनल्सबाट प्यारामाउन्ट प्लस र बीईटी प्लस हट्ने सम्भावना छ।”

प्यारामाउन्टले हालै अन्य प्रमुख वितरकहरूसँग सफल र सौहार्दपूर्ण रूपमा सम्झौता नवीकरण गरेको दावी गर्दै यूट्युब टीभीसँग नयाँ सम्झौतामा पुग्न निरन्तर प्रयास जारी राख्ने जनाएको छ।