भारतद्वारा अन्तरिक्षमा दुई भूउपग्रह जोडेर नयाँ कीर्तिमान कायम

Technology Khabar ३ माघ २०८१, बिहीबार

भारतद्वारा अन्तरिक्षमा दुई भूउपग्रह जोडेर नयाँ कीर्तिमान कायम
Global IME Bank

काठमाडौं ।

भारतीय अन्तरिक्ष अनुसन्धान सङ्गठन (इसरो) ले बिहीबार सफलतापूर्वक आफ्नो स्पाडेक्स भूउपग्रहहरू एसडिएक्स०१ (चेजर) र एसडिएक्स०२ (लक्ष्य) अन्तरिक्षमा डक गरेको छ।

स्पेस डकिङ भनेको अन्तरिक्षमा दुईओटा अन्तरिक्ष यान जोड्नु हो। डकिङ प्रक्रिया हालका हप्ताहरूमा कम्तिमा दुई पटक ढिलाइ भएको र अन्ततः बिहीबारको लागि निर्धारित गरिएको थियो।

अन्तरिक्ष एजेन्सीका अनुसार डकिङपछि दुईओटा भूउपग्रहलाई एउटै वस्तुको रूपमा नियन्त्रण गर्न सफल भएको र आगामी दिनमा अनलकिङ र पावर ट्रान्सफरबारे अनुसन्धान गरिने छ।

भारतीय प्रधानमन्त्री नरेन्द्र मोदीले सामाजिक सञ्जाल एक्स (पहिलेको ट्विटर)मा एक पोस्टमार्फत देशका वैज्ञानिकहरूलाई उपलब्धि हासिल गरेकोमा बधाई दिँदै भने,“आगामी वर्षहरूमा भारतको महत्वाकांक्षी अन्तरिक्ष अभियानका लागि यो महत्त्वपूर्ण कदम हो।”

रुस, अमेरिका र चीनपछि स्पेस डकिङ हासिल गर्ने भारत चौथो देश बनेको छ। रासस/सिन्ह्वा

Sajilo Visa

प्रकाशित: ३ माघ २०८१, बिहीबार

तपाइको प्रतिक्रिया

ताजा समाचार