समाचार तथा व्यक्तित्व: सन् २०२४ मा संसारभरका मानिसहरूले गुगलमा सबैभन्दा धेरै के के खोजे?

काठमाडौं ।

हरेक डिसेम्बरमा गुगलले वर्षको खोजहरू जारी गर्दछ। यसले सबैभन्दा धेरै खोजिएका विषयहरूबारे विश्वको सामूहिक जिज्ञासालाई प्रतिबिम्बित गर्दछ र प्रसिद्ध सर्च बारमा के टाइप गरिन्छ भन्नेको कुराहरू खुलासा गर्दछ।

सन् २०२४ मा प्रमुख समाचार घटनाहरू जस्तै विश्वव्यापी चुनावहरू उच्चतम खोजको ट्राफिकमा रहेका थिए। यसबाहेक गत वर्ष विश्वभरका समाचार र व्यक्तिहरूमा वर्षको सबैभन्दा धेरै खोजिएका विषयवस्तुहरु यसप्रकार छ:

सन् २०२४ मा कुन समाचारले सबैभन्दा धेरै ‘सर्च’ लाई आकर्षित गर्यो?

चुनाव, उच्च तापक्रमले वातावरणीय चिन्तालाई बढावा दिइरहेको र प्रमुख खेलकुद घटनाहरू यस वर्षको समाचारमा चासोको मुख्य बिन्दु रहेको भन्दै विदेशी सञ्चारमाध्यमले रिपोर्ट गरेको टेलिग्राफले लेखेको छ।

अमेरिकी राजनीतिमा विश्वव्यापी चासो देखाउँदै अमेरिकी चुनाव वर्षको सबैभन्दा धेरै खोजिएको समाचार घटना भएको बताइएको छ।

राष्ट्रपति पदको दौडबाट जो बाइडेनको नाटकीय रूपमा बाहिरिनुदेखि लिएर कमला ह्यारिस र डोनाल्ड ट्रम्पबीचको चर्को बहस र अक्टोबरको अन्त्यमा/नोभेम्बरको सुरुमा भएको चयनको साथ चुनावले ठूलो चर्चा सिर्जना गरेको उल्लेख छ।

दोस्रो सबैभन्दा धेरै खोजिएको समाचारको विषय भनेको अत्यधिक गर्मी थियो जसले सन् २०२४ मा विश्वभरि रेकर्ड–ब्रेकिङ तापमान देखेको र यसले विश्वको बढ्दो जलवायु संकटको सम्झना गराएको उल्लेख छ।
त्यसैगरी तेस्रो धेरै खोजिने समाचार घटनामा यस वर्ष पेरिसमा आयोजित ओलम्पिक खेलहरू थिए।

सन् २०२४ को मोस्ट वान्टेड व्यक्ति को थिए?
एक ध्रुवीकरण व्यक्तित्व, डोनाल्ड ट्रम्प वर्षको सबैभन्दा खोजिएको व्यक्ति भएका छन्।

उनको कानुनी लडाइँ र अमेरिकी राष्ट्रपतिको लागि अन्तिम सफल दौडले उनलाई सर्च बारमा उच्च राख्दै, अनलाइन छलफल र अनुसन्धानलाई बढावा दिएको उल्लेख छ।

वेल्सको राजकुमारी केट मिडलटन दोस्रो सबैभन्दा धेरै खोजी गरिएको व्यक्ति भएकी छिन्। विशेष गरी वर्षको सुरुमा शाही कर्तव्यहरूबाट उनको अनुपस्थितिले, अनुमान र चिन्ताको लहर निम्त्याएको थियो।

कमला ह्यारिस सन् २०२४ मा विश्वमा तेस्रो सबैभन्दा धेरै खोजिने व्यक्ति भएकी छिन्। डेमोक्र्याट र अमेरिकी उपराष्ट्रपतिले निवर्तमान राष्ट्रपति जो बाइडेनलाई राष्ट्रपतिको उम्मेद्वारको रूपमा बदलेर र चुनाव हुनुभन्दा ठीक १०० दिन अघि व्हाइट हाउसको दौडमा प्रवेश गरेर चासो जगाएकी थिइन्।

अल्जेरियाली बक्सर इमाने खेलिफ सन् २०२४ मा चौथो सबैभन्दा धेरै खोजिने व्यक्ति भइन्। उनले ओलम्पिकमा महिलाको लाइटवेट बक्सिङ प्रतियोगितामा स्वर्ण पदक जित्दै र “लैङ्गिक औचित्यमा भएको झगडा पछि” बहस सुरु गरेको टेलीग्राफले उल्लेख गरेको छ।