Technology Khabar १५ पुष २०८१, सोमबार
काठमाडौं ।
रोबोटहरू हाम्रो जीवनमा विभिन्न स्वरूपमा रहेका छन् तर नयाँ प्रविधिका साथ तिनीहरूले मानिसको भावना स्पर्शमार्फत पत्ता लगाउन सक्ने नयाँ अनुसन्धानले देखाएको छ।
मानिसहरूले आफुलाई बुझ्ने र आफ्ना भावनाहरू बुझ्ने व्यक्तिलाई पाउनु निकै कठिन मान्ने आजको समयमा वैज्ञानिकहरूले त्यस्ता रोबोटहरू विकास गर्दैछन्, जसले तपाईंको छालालाई छुँदा मात्रै तपाईंको भावना कस्तो छ भनेर थाहा पाउन सक्छन्।
आईईईई नामक जर्नलमा हालै प्रकाशित एक अध्ययनका अनुसार अनुसन्धानकर्ताहरूले स्किन कन्डक्टेन्स प्रयोग गरी व्यक्तिको भावनाहरू पत्ता लगाएका छन्। यो छालाले बिजुली कत्तिको राम्रोसँग प्रवाह गर्दछ भन्ने मापन हो जुन प्राय: पसिनाको प्रवाह र स्नायु गतिविधिको प्रतिक्रिया स्वरूप परिवर्तन हुन्छ र यसले मानिसका विभिन्न भावनात्मक अवस्थाहरूलाई संकेत गर्छ।
वैज्ञानिकहरूका अनुसार अनुहार पहिचान वा आवाज विश्लेषण जस्ता स्किन कन्डक्टेन्सले परम्परागत भावना-पहिचान विधिहरुमा हुने त्रुटिहरूलाई पार गर्न सक्छ, जुन प्राय: कमजोर अडियो वा भिजुअल अवस्थाहरूका कारण असफल हुने न्युज१८ले उल्लेख गरेको छ।
“स्किन कन्डक्टेन्सले वास्तविक समयमा भावना कब्जा गर्ने एक गैर-आक्रामक उपायको सम्भावना प्रदान गर्दछ,” अनुसन्धानकर्ताहरूले भने।
यो अध्ययनका लागि टोकियो मेट्रोपोलिटन विश्वविद्यालयका वैज्ञानिकहरूले ३३ सहभागीहरूमाथि अनुसन्धान गरेका छन्। उनीहरूले भावनात्मक रूपमा चार्ज गरिएका भिडियोहरू देखाएर उनीहरूको स्किन कन्डक्टेन्सको निगरानी गरे। विभिन्न भावनाहरूका लागि छुट्टाछुट्टै ढाँचाहरू पत्ता लगाए:
“उच्च प्रतिक्रियाशीलता स्किन कन्डक्टेन्सका लागि महत्त्वपूर्ण भए पनि थोरै अध्ययनहरूले भावनाहरूका बीचमा स्किन कन्डक्टेन्स प्रतिक्रियाको गतिशीलता कसरी भिन्न हुन्छ भन्ने अध्ययन गरेका छन्,” अनुसन्धानकर्ताहरूले भने।
यी निष्कर्षहरूले अन्य शारीरिक डाटासँग संयोजन गर्दा भावनाहरूलाई सही रूपमा मूल्याङ्कन गर्न मद्दत गर्ने प्रणालीहरू निर्माण गर्न अपेक्षा गरिएको छ। यो विधि पूर्ण नभए पनि, वैज्ञानिकहरूले यसमा ठूलो सम्भावना देखेका छन्।
उनीहरूले स्किन कन्डक्टेन्सलाई मुटुको धड्कन र मस्तिष्कको गतिविधि जस्ता अन्य शारीरिक कारकहरूसँग संयोजन गर्न सिफारिस गरेका छन्, जसले भावना पहिचानको शुद्धता सुधार गर्न सक्छ।
प्रकाशित: १५ पुष २०८१, सोमबार
