अमेरिकी स्वास्थ्य क्षेत्रको डाटा लिक कम गर्न बाइडेन प्रशासनद्वारा नयाँ साइबर सुरक्षा नीति प्रस्ताव

काठमाडौं ।

स्वास्थ्यक्षेत्रको डाटा लिक कम गर्न बाइडेन प्रशासनद्वारा नयाँ साइबर सुरक्षा नीति प्रस्ताव गरेको छ। यसअघि एसेन्सन तथा यूनाइटेड हेल्थजस्ता साइटबाट भएको डाटा चुहावटजस्तो स्थिति नआओस् भन्नका लागि स्वास्थ्य सेवा संगठनहरूलाई साइबर सुरक्षामा सुधार गर्न आवश्यक हुन सक्ने शुक्रबार ह्वाइट हाउसका वरिष्ठ अधिकारीले बताएका छन्।

अमेरिकी साइबर र उदाउँदै गरेको प्रविधिका लागि उप-राष्ट्रिय सुरक्षा सल्लाहकार, एनी न्युबर्गरले, पत्रकारहरूलाई भने अनुसार ठूला स्वास्थ्य जानकारी चुहावटले धेरै अमेरिकीहरूको डाटालाई प्रभावित पारेकोले प्रस्तावित उपायहरू आवश्यक छन्।

ती प्रस्तावहरूमा चुहावट भए पनि पहुँच गर्न नसकिने बनाउनका लागि डाटालाई एन्क्रिप्ट गर्नु र नेटवर्कहरूले साइबर सुरक्षा नियमहरू पूरा गरेको सुनिश्चित गर्नका लागि नियमित जाँचको आवश्यकता पर्ने उल्लेख गरिएको रोयटर्सले लेखेको छ।

“हामीले केही महत्त्वपूर्ण प्रस्तावहरू अघि सारेका छौं र यी प्रस्तावहरु अन्ततः लागू भए भने साइबर सुरक्षालाई सुधार गर्ने र अन्ततः सबैको स्वास्थ्य जानकारीलाई सुरक्षित राख्ने ओसिआरका प्रवक्ताले शुक्रबार बताए।

यस प्रक्रियाको अर्को चरण ६०-दिनको सार्वजनिक टिप्पणी अवधि हुनेछ, जसपछि अन्तिम निर्णय गरिने बताइएको छ। २०१९ यता ह्याकिङ र र्यान्समवेयरका कारण स्वास्थ्य सेवा क्षेत्रमा ठूला डाटा चुहावटहरूमा क्रमशः ८९% र १०२% वृद्धि भएको छ।

“यस काममा, सबैभन्दा चिन्ताजनक र वास्तवमै दुःखद कुरा अस्पतालहरू र स्वास्थ्य सेवा डाटाको ह्याकिङ हो,” न्युबर्गरले भनिन्।

अस्पतालहरूले म्यानुअल रूपमा सञ्चालन गर्न बाध्य हुनुपरेको छ, र अमेरिकीहरूको संवेदनशील स्वास्थ्य डाटा, मानसिक स्वास्थ्य जानकारी तथा अन्य विवरणहरू डार्क वेबमा चुहावट भएको छ, जसले व्यक्तिहरूलाई ब्ल्याकमेल गर्न सक्ने सम्भावना बढाएको छ,” उनले थपिन्।