Technology Khabar ८ पुष २०८१, सोमबार
काठमाडौं ।
नेपालकै अग्रणी इन्टनेट सेवा प्रदायक कम्पनी, वर्ल्डलिंक कम्युनिकेसन्स लिमिटेडले पोखरामा भव्य ‘कार्निभल’को आयोजना गर्ने भएको छ। यस कार्निभलमा विभिन्न प्रकारका फुड स्टलहरु, बालबच्चाहरुको लागि खेलहरु, विभिन्न प्रकारमा रमाइला खेलहरु रहने वर्ल्डलिंकले जनाएको छ।
यस कार्निभलको मुख्य आकर्षणको रुपमा, ‘द इलिमेन्टस्’ ब्यान्डको प्रस्तुती रहने तथा त्यसका साथै विभिन्न स्थानिय कलाकारहरुको बेजोड प्रस्तुती समेत रहने छ। चर्चित कार्यक्रम प्रस्तोता ‘सुजिता श्रेष्ठ’ द्वारा सञ्चालन गरिने यस कार्निभलमा चर्चित डिजे ‘डिजे एमी’को प्रस्तुतीसमेत रहने छ।
कम्पनीकाअनुसार, पोखराको, पामे, चङ्खपुरमा हुन गइरहेको ‘अन्तर्ष्ट्रिय बलुन फेस्टिभल’ को पाँचौ दिनमा हुन गइरहेको यस कार्निभल, पौष १३ गते २८ डिसेम्बर, शनिबारको दिन बिहान ९ बजेबाट शुरु भइ बेलुकी ५ बजेसम्म रहने छ। यस कार्यक्रममा विभिन्न प्रकारका मनोरञ्जनात्मक खेलहरु, ‘पबजी प्रतियोगिता’, तथा विभिन्न स्टलहरु रहने छन्।
साथै यसै कार्यक्रममा, ‘बिट द स्पीड’ को प्रतियोगिता समेत हुने वर्ल्डलिंकले जनाएको छ। त्यस प्रतियोगितामा, १४५ कि.मी. प्रति घण्टा भन्दा माथिको बलिङ्ग गर्न सफल भएमा एक प्रतियोगीले ‘आईफोन १६’ उपहार पाउन सक्ने बताईएको छ।
यस कार्निभलमा सहभागी हुन चाहनेहरुको सहजताको लागि वर्ल्डलिंकले पोखरामा पामे सम्मका लागि निशुल्क बस सेवा समेत प्रदान गर्ने भएको छ।
विगतका कार्निभलहरुमाझैं यस कार्निभलमा पनि आफ्नो परिवार समेत उपस्थित भई विभिन्न स्टलहरुको रौनक संगै, खेलहरु खेल्दै, रमाइलो गर्नका लागि १३ गते शनिबारका दिन, पामे, चङ्खपुरमा सहभागी हुन कम्पनीले आग्रह गरेको छ।
प्रकाशित: ८ पुष २०८१, सोमबार
