टिकटकलाई अमेरिकामा प्रतिबन्ध लगाइने, ट्रम्पले टिकटकको भाग्य परिवर्तन गर्न सक्ने

काठमाडौं ।

प्रतिनिधि सभाले मार्च महिनामा पारित गरेको र अप्रिल महिनामा राष्ट्रपति जो बाइडेनले हस्ताक्षर गरेको एउटा विधेयकले टिकटकको चिनियाँ मूल कम्पनी बाइटडान्सले सन् २०२५ को जनवरी १९ तारिखसम्ममा अमेरिकी धनिलाई प्लेटफर्म बिक्री गरिनु पर्ने आवश्यक रहेको बताइएको छ।

यदि उक्त मितिसम्म टिकटक अमेरिकी कम्पनीको स्वामित्वमा नभएको खण्डमा भने अमेरिकामा उक्त एपमाथि प्रतिबन्ध लगाइने तीनजना न्यायाधीशले फैसला गरेका छन्।

अमेरिकी पुनरावेदन अदालतले निर्णय गरिसकेको अवस्थामा अर्को स्टप भने सर्वोच्च अदालत हुने बताइएको छ।

“हामीले यो निर्णयले टिकटक र यसका प्रयोगकर्ताहरूका लागि महत्त्वपूर्ण प्रभाव पारेको कुरा बुझ्दछौं,” अदालतले एक विज्ञप्तिमा भन्यो।

“तर यदि प्लेटफर्मले अमेरिकी मालिक फेला पारेन भने, यो कम्तिमा केही समयको लागि संयुक्त राज्यमा प्रभावकारी रूपमा उपलब्ध हुनेछैन” उनले थपिन्।

यद्यपि, नव निर्वाचित राष्ट्रपति डोनाल्ड ट्रम्पको निर्णयबाट मात्र यो सबै अवस्थाले अर्को आश्चर्यजनक मोड लिन सक्छ भनि विदेशी मिडियाले उल्लेख गरेको टेलिग्राफले रिपोर्ट गरेको छ।

“हामी टिकटकलाई प्रतिबन्ध लगाउन सक्छौं” ट्रम्पले आफ्नो पहिलो कार्यकालमा भनेका थिए।

यो प्लेटफर्मले ग्राहकहरूको व्यक्तिगत डाटा चोरेको र अमेरिकी बालबालिका र किशोरकिशोरीहरूलाई प्रभाव पार्ने प्रयास गरेको आरोप लगाइएको थियो।

त्यस्को एक महिना पछि, रिपब्लिकनले वालमार्ट र ओरेकललाई टिकटक बेच्ने “अवधारणामा” सम्झौता गरेको कथित रूपमा उल्लेख छ।

तर सन् २०२० को राष्ट्रपतिको चुनाव नजिकिँदै गर्दा राष्ट्रपतिले चाँडै नै उक्त विषयमा चासो गुमाएको उल्लेख गरिएको छ।

उनले आफ्नो सोच किन परिवर्तन गरे भन्ने थाहा छैन, र उनले आफ्नो पहिलो कार्यकालमा राष्ट्रिय सुरक्षाको लागि खतरा भने तापनि सन् २०२४ को अभियानमा यो एपलाई बचाउने बताए।

अमेरिकी कम्पनीलाई टिकटक बिक्री गरिनु पर्ने जनवरी १९ तारिखको अन्तिम मिति ट्रम्पको कार्यकालको उद्घाटन हुनु अघिको दिन भएको बताइएको छ।

यद्यपि बाइटडान्सको टिकटकको बिक्रीमा प्रगति भइरहेको संकेत देखिएमा ९० दिनको म्याद थप गर्न सकिने अदालतको फैसलामा उल्लेख गरिएको टेलिग्राफले उल्लेख गरेको छ।