जेमिनी एआईमार्फत् अब स्क्रीन अनलक नगरी फोन उठाउन, मेसेज पठाउन मिल्ने: यस्तो छ तरिका

काठमाडौं ।

गुगलले सधैं प्रयोगकर्ताको अनुभव सुधार गर्न नयाँ सुविधाहरू ल्याउन मेहनत गर्दै आएको छ। यसै क्रममा, प्रविधि क्षेत्रको अगुवाले आफ्नो जेमिनी सहायक एपको क्षमताहरू विस्तार गर्न र एन्ड्रोइड फोनमा सञ्चार अझ सहज बनाउन काम गरिरहेको छ।

९टू५गुगलको रिपोर्टअनुसार जेमिनीले फोन लक भएको अवस्थामा पनि कल गर्न र सन्देश पठाउन सक्ने सुविधा पाउनेछ। यस अपडेटपछि, प्रयोगकर्ताले आफ्नो फोन अनलक नगरीकनै लक स्क्रिनबाटै सिधै कल गर्न र सन्देश पठाउन सक्ने न्युज१८ले उल्लेख गरेको छ।

पहिलेको सुविधामा फोन अनलक गरी मात्र कल वा सन्देश पठाउन सकिन्थ्यो, तर यस नयाँ सुविधाले यो प्रक्रिया हटाउँदै, एक साधारण ट्यापमार्फत तुरुन्तै सञ्चार सुरु गर्न सजिलो बनाउनेछ।

हालसम्म गुगलले यस सुविधाको औपचारिक घोषणा गरेको छैन, तर यो आगामी महिनाहरूमा व्यापक रूपमा उपलब्ध हुने अपेक्षा गरिएको छ।

जेमिनी एआई बाट कल र सन्देश कसरी गर्ने

• जेमिनी एपमा लक स्क्रीन सेटिङ्समा जानुहोस्।
• जेमिनी अन लक स्क्रीनको विकल्प चयन गर्नुहोस्।
• फोन र मेसेजेज जेमिनी एक्स्टेन्सन्स सक्रिय गर्नुहोस्।

यो सुविधा अहिले गुगल एपको नवीनतम बीटा संस्करणमा उपलब्ध छ। यसमा “मेक कल्स एण्ड सेण्ड मेसेजेज विदाउट अनलकिङ ” नामक विकल्प छ, जुन सक्रिय गरेपछि जेमिनी एआई सहायकले फोन अनलक नगरी फोन कल गर्न वा सन्देश पठाउन मद्दत गर्नेछ।

सुरक्षा र सीमाहरू

यो सुविधा सक्रिय गर्नका लागि प्रयोगकर्ताले आफ्नो फोनमा पिन वा अन्य सुरक्षा स्क्रीन लक सेट गर्नुपर्नेछ। सुविधाले सहजता प्रदान गरे पनि सुरक्षा प्राथमिकतामा रहनेछ। साथै, लक स्क्रिनबाट पठाउन सकिने सन्देशहरूको सामग्रीलाई सीमित राख्न सक्ने सम्भावना छ ताकि दुरुपयोग हुन नपाओस्।

हालसम्म, जेमिनीले लक स्क्रिनमा केवल प्रश्नहरूको उत्तर दिन, क्यालेन्डर इभेन्ट थप्न, र रिमाइन्डर सेट गर्न जस्ता कार्यहरू गर्न सक्छ। यो नयाँ अपडेटपछि, जेमिनीको क्षमता अझ बढ्नेछ र प्रयोगकर्ताहरूलाई ठूलो फाइदा पुग्नेछ।