कार्तिक महिनामा नेपाल भित्रियो सवा २ अर्बमाथिको विद्युतीय चारपाङ्ग्रे गाडी

काठमाडौं ।

आर्थिक वर्ष २०८१/८१ को चौथो महिना कार्तिकमा मात्र नेपालमा २ अर्ब २५ करोड ४८ लाख ९० हजार रुपैयाँ बराबरको विद्युतीय चारपाङ्ग्रे गाडी आयात भएको छ।

भन्सार विभागले हालै सार्वजनिक गरेको चालु आर्थिक वर्ष २०८१/८२ को कार्तिक मसान्तसम्मको वैदेशिक व्यापार प्रतिवेदनमा यो आँकडा उल्लेख गरिएको पाइएको हो।

शुरुवाती तीन महिना अर्थात् असोज मसान्तसम्म  नेपालमा ६ अर्ब ११ करोड रुपैयाँ हाराहारीको २ हजार ५१८ थान विद्युतीय चारपाङ्ग्रे सवारी साधान आयात भएकोमा पछिल्लो १ महिनामा २ अर्ब २५ करोड रुपैयाँमाथिको ९६९ थान विद्युतीय सवारी साधन थपिएको हो।

प्रतिवेदनका अनुसार यसरी भित्रिएका चारपाङ्ग्रे सवारी साधनमा विशेषगरी सामान्य कार, जीप र भ्यानका साथै अतिरिक्त मोटर पावर भएका कार, जीप र भ्यान रहेका छन्। यो सूचीमा तीनपाङ्रे र दुईपाङ्रे सावारी साधनलाई समावेश गरिएको छैन।

भन्सार विभागका अनुसार यस अवधिमा चीन, भारत र जर्मनी र अमेरिका गरी विश्वका चार देशबाट ती सवारी साधन भित्रिएका हुन्।

५० किलोवाटसम्मको कार, भ्यान र जीप

५१ देखि १०० किलोवाटदेखि सम्मको कार, भ्यान र जीप

१०१ देखि २०० किलोवाटदेखि सम्मको कार, भ्यान र जीप

२०१ देखि ३०० किलोवाटदेखि सम्मको कार, भ्यान र जीप

३०० किलोवाटदेखि माथिको कार, भ्यान र जीप