आईफोन १८ प्रोमा भेरिएबल एपर्चर क्यामरा फिचर गरिने सम्भावना

काठमाडौं ।

सन् २०२६ मा आधिकारिक हुने अपेक्षा गरिएको आईफोन १८ प्रो भेरिएबल एपर्चर क्यामरा प्रणालीका साथ आउन सक्ने सम्भावना रहेको विश्लेषक मिङ–ची कुओले बताएका छन्। यो सँगै एप्पल आफ्नो धेरैवटा एन्ड्रोइड प्रतिद्वन्द्वीहरुले शुरू गरेको प्रवृत्तिमा सामेल हुन लागेको देखिएको छ।

एन्ड्रोइड निर्माताहरूले लाइट इनटेक र डेफ्थ अफ फिल्डमा प्रयोगकर्ताहरूलाई थप नियन्त्रण दिनको लागि भेरिएबल एपर्चर लेन्सहरू प्रयोग गर्दै आएका छन्। यी लेन्सहरूले व्यावसायिक क्यामराहरूले जस्तै तिनीहरूको ओपनिङ्ग साइज (खोल्ने आकार) समायोजन गर्दछ।

ब्राइट सेटिङहरूमा साँघुरो एपर्चरले सार्प इमेजेहरू र डेफ्थ अफ फिल्डको गहिराइको लागि अनुमति दिने गर्दछ जहाँ फोरग्राउण्ड र ब्याकग्राउण्ड तत्वहरू गरी दुवै फोकसमा रहन्छन्।

यसको विपरीत वाइड एपर्चरले भने अधिक प्रकाश लिने गर्दछ जुन मधुरो वा मध्यम उज्यालो वातावरणमा राम्रोसँग एक्सपोज गरिएका तस्बिरहरू खिच्नका लागि उपयुक्त हुन्छ र यसले स्यालोअर डेफ्थ अफ फिल्ड विषयको पछाडिको पृष्ठभूमिलाई धमिलो पार्ने गर्दछ।

द इन्फोर्मेशन ले यसअघि भेरिएबल एपर्चर क्यामरा कम्तिमा एउटा आईफोन १७ मोडेलमा डेब्यु हुन सक्ने बताएको थियो। यद्यपि कुओको पछिल्लो रिपोर्टले भने यो सुविधा सन् २०२६ को आईफोन १८ लाइनअप सम्मका लागि पछि धकेलिएको हुन सक्छ भन्ने सुझाव दिएको छ।

विशेष रूपमा आईफोन १८ प्रोको प्राथमिक रियर क्यामराले यस प्रविधिबाट फाइदा लिने अपेक्षा कुओले गरेका छन्।

सन्नी अप्टिकल सम्भवतः क्यामराको शटर मेकानिज्मको लागि प्राथमिक आपूर्तिकर्ता हुने र लक्ससेयर माध्यमिक स्रोतको रूपमा रहने उनको उद्योग सर्वेक्षणले संकेत गरेको उल्लेख गरिएको छ। साथै सन्नी अप्टिकलले माध्यमिक प्रदायकको रूपमा भेरिएबल एपर्चर लेन्स आपूर्ति गर्ने अपेक्षा गरिएको छ भने लार्गन प्रेसिजन प्राथमिक स्रोत हुने थप उल्लेख गरिएको छ।

अहिलेसम्म, सबै आईफोन मोडेलहरू फिक्स्ड एपर्चर लेन्सहरूमा निर्भर रहेका छन् जसले लाइट इनटेक र डेफ्थ अफ फिल्डमा नियन्त्रण सीमित गर्दछ।

तथापि, भेरिएबल एपर्चर टेक्नोलोजीले उनीहरूको प्राथमिकताहरू अनुरूप समायोजनहरूलाई गर्न अनुमति दिँदै प्रयोगकर्ताहरूलाई यी सेटिङहरूमा राम्रो नियन्त्रण दिने उल्लेख गरिएको छ।

कुओको रिपोर्ट उद्योग सर्वेक्षणहरूमा आधारित भएको र पुष्टि गरिएको तथ्यको सट्टा सूचित भविष्यवाणीको रूपमा हरिनु पर्ने भनि नोट गर्नको आग्रह गरिएको छ।

साथै आईफोन १८ लन्च हुन अझै दुई वर्ष बाँकी रहेको हुनाले एप्पलसँग आफ्ना योजनाहरू परिमार्जन गर्न र सम्भवतः आफ्नो क्यामरा रणनीति परिवर्तन गर्न पर्याप्त समय रहेको गीज्मोचाइनाले उल्लेख गरेको छ।