Technology Khabar ८ आश्विन २०८१, मंगलवार
काठमाडौं ।
भारतको सबैभन्दा ठूलो स्वास्थ्य बीमा कम्पनी, स्टार हेल्थ, बाट चोरेका ग्राहक डेटा र मेडिकल रिपोर्टहरू टेलिग्रामका च्याटबोटहरूमा सार्वजनिक रूपमा उपलब्ध छन्।
यो घटना टेलिग्रामका संस्थापकले पराधलाई सहयोग गरेको आरोप लगाएको केही हप्तापछि भएको हो। च्याटबोटका निर्माताले एक सुरक्षा अनुसन्धानकर्तालाई यसबारेमा भने अनुसार लाखौं व्यक्तिका निजी विवरणहरू बिक्रीमा छन् जसको नमूना हेर्नका लागि च्याटबोटहरूलाई सोध्न सकिन्छ।
स्टार हेल्थ र एल्याड इन्श्योरेन्सले स्थानीय अधिकारीहरुलाई अनधिकृत डाटा पहुँचको बारेमा जानकारी दिएको बताएको छ। यसले प्रारम्भिक मूल्यांकनमा “विस्तृत रूपमा सम्झौता” नभएको र “संवेदनशील ग्राहक डाटा सुरक्षित रहेको” दावी गरेको छ।
च्याटबोटहरू प्रयोग गरेर नीतिहरू र दावीका कागजातहरू डाउनलोड गरेको र त्यसमा जसमा नाम, फोन नम्बर, ठेगाना, कर विवरण, परिचयपत्रको प्रति, परीक्षण परिणामहरू र मेडिकल निदानहरू समावेश भएका रोयटर्सले उल्लेख गरेको छ।
च्याटबोट सिर्जना गर्ने क्षमताले दुबईमा आधारित टेलिग्रामलाई ९० करोड सक्रिय प्रयोगकर्ता भएका विश्वका ठूलो म्यासेन्जर एपहरूमा ल्याउन मद्दत गरेको छ।
तर रुसमा जन्मेका संस्थापक पावल डुरोभलाई गत महिना फ्रान्समा पक्राउ गरिएकोले टेलिग्रामको सामग्री व्यवस्थापन र अपराधमा प्रयोग हुनसक्ने विशेषतामा गम्भीर चुनौती बढाएको छ। डुरोभ र टेलिग्रामले गलत कामको खण्डन गर्दै आलोचना समाधान गर्ने कुरा गरेका छन्।
टेलिग्राम च्याटबटहरू प्रयोग गरेर चोरेको डाटा बेच्ने घटनाले एपले दुवै प्रविधि र भारतका कम्पनीहरूले आफ्नो डाटा सुरक्षित राख्नमा सामना गरिरहेका चुनौतीहरूको बारेमा देखाउँछ।
स्टार हेल्थ च्याटबटहरूले “by xenZen” भनेर उल्लेख गरिएको स्वागत सन्देश प्रस्तुत गर्छ र यो कम्तिमा अगस्ट ६ देखि सञ्चालन भइरहेको छ।
ब्रिटेनका सुरक्षा अनुसन्धानकर्ता जेसन पार्करले एक अनलाइन ह्याकर फोरममा सम्भावित किन्ने व्यक्ति बनेर xenZen नामका प्रयोगकर्तासँग कुरा गरेका छन् जसले च्याटबाटहरू बनाएको र ३१ मिलियन स्टार हेल्थ ग्राहकहरूको बारेमा ७.२४ टेराबाइट डाटा रहेको बताएका छन्।
च्याटबाटमार्फत डाटा निःशुल्क तरिकामा उपलब्ध छ, तर ठूलो मात्रामा बिक्रीमा छ। रोयटर्सले xenZenको दावीको पुष्टि गर्न सक्दैन, न त च्याटबट निर्माताले कसरी डाटा प्राप्त गरेको भनेर थाहा पाउँछ।
xenZenले ईमेल गरेर किन्नेहरूसँग वार्ता गरिरहेको बताए तर को र किन चासो राखेको हो भन्ने जानकारी नखुलाएका रोयटर्सले उल्लेख गरेको छ।
प्रकाशित: ८ आश्विन २०८१, मंगलवार
