सन् २०२६ भित्र पाँचओटा मानवरहित स्टारशिप मंगल ग्रहमा पठाउने स्पेसएक्सको लक्ष्य

काठमाडौं ।

स्पेसएक्सले दुई वर्ष भित्रमा करिब पाँच वटा मानवरहित स्टारशिप मिशन मङ्गलमा पठाउने योजना बनाएको छ। यो जानकारी कम्पनीका सीईओ इलन मस्कले आइतबार सामाजिक सञ्जाल एक्समा राखेका हुन्।

यो महिनाको सुरुमा मस्कले मङ्गलका लागि पहिलो स्टारशिप दुई वर्षपछि मात्र पठाइने बताएका थिए। त्यसबेला उनले “जब अर्को पृथ्वी-मङ्गल स्थानान्तरण झ्याल खुल्छ” भन्ने वाक्यांश प्रयोग गरेका थिए।

आइतबार मस्कले पहिलो मानिसको मिशनको समय तालिका मानवरहित उडानको सफलतामा निर्भर गर्दछ। यदि मानवरहित मिशनले सुरक्षित रुपमा ल्यान्ड गर्न सके भने चार वर्षमा मानिसका मिशन सुरु गरिनेछ। तर चुनौतीहरू परेमा मानिसका मिशन दुई वर्षपछि धकेलिने मस्कले भने।

मस्कले स्टारशिपको तयारीको समय तालिका बारम्बार परिवर्तन हुने गरेको बताएका छन्। उनले यस वर्षको सुरुवातमा मङ्गलमा पहिलो मानवरहित स्टारशिप पाँच वर्ष भित्र ल्यान्ड गर्ने र पहिलो मानिसहरू सात वर्ष भित्र मङ्गलमा ल्यान्ड गर्ने बताएका थिए।

गत जुन महिनामा एउटा स्टारशिप रकेटले अन्तरिक्षबाट फर्कँदा आगोको बिचमा सुरक्षित ल्यान्डिङ परीक्षण सफल बनाएको थियो र भारतीय महासागरमा पूर्ण परीक्षण मिशन सम्पन्न गरेको थियो।

मस्कले स्टारशिपलाई ठूलो, बहुउद्देश्यीय नयाँ पीढीको अन्तरिक्ष यान बनाउनमा ध्यान केन्द्रित गरेका छन्, जसले यस दशकको अन्त्यमा मानिस र सामान चन्द्रमामा पठाउन र अन्ततः मङ्गलमा जान सक्नेछ।

यस वर्षको सुरुमा नासाले स्पेसएक्सको स्टारशिप प्रयोग गरेर चन्द्रमामा पहिलो मानिसको ल्यान्डिङसम्बन्धी आर्टेमिस ३ मिशनलाई २०२६ को सेप्टेम्बरमा धकेलिएको छ। यो पहिले २०२५ को अन्त्यमा योजना गरिएको थियो।

जापानी अरबपति युसाकु माएजावाले जुनमा चन्द्रमामा निजी मिशन रद्द गरे, जुन उनले स्पेसएक्सको स्टारशिप प्रयोग गरेर गर्न लागेको थिए,भने रकेटको विकासमा तालिकाको अनिश्चितताका कारण यो निर्णय गरेको बताए।