Technology Khabar ४ आश्विन २०८१, शुक्रबार
काठमाडौं ।
देशकै अग्रणी तथा ठुलो इन्टरनेट सेवा प्रदायक कम्पनी क्लासिक ले आधा तिरे पुग्छ अफर सार्वजनिक गरेको छ।
यस अफरमा अब ग्राहाक हरुले बार्षिक अफरको आधा पेमेन्ट तिरेर ६ महिनासम्म इन्टरनेट प्लस टिभी जडान गर्न सक्ने छन्। ६ महिना पछि पनि सोहि प्याकेजमा रिचार्ज गरेर अर्को ६ महिना पनि चलाउन सक्ने कम्पनीले बताएको छ।
उक्त अफरमा १५० एम बि पी यस इन्टरनेट प्लस टिभी २०० एम बि पी यस इन्टरनेट,प्लस टिभी र २०० एम बि पी यसमा २ आइपी टिभी सम्मका प्याकेज हरुरहेका छन्। यसैगरि वाइफाई ६ भएको डुअल ब्याड राउटर, स्मार्ट सेटटप बक्स साथै सेकेन्डरी राउटर पनि निशुल्क उपलब्ध गराएको छ।
खास गरि १ वर्ष र ३ महिनाको इन्टरनेट तथा आइपी टि.भी जडानमा महँगो तिरिरहेका ग्राहकहरुका लागि यस अफर निकै आकर्षक रहेको कम्पनीको दाबी छ।
अफर दशैँ तिहार र छठ सम्म रहने र पूरानो ग्राहकको हकमा पनि ६ महिनाको रिचार्ज गर्न सक्ने कम्पनीले जनाएको छ।
प्रकाशित: ४ आश्विन २०८१, शुक्रबार
