Technology Khabar ४ आश्विन २०८१, शुक्रबार
काठमाडौं ।
अमेरिकामा राष्ट्रपति चुनावका प्रमुख दावेदार डोनाल्ड ट्रम्पले क्रिप्टोकरेन्सी व्यवसाय सुरु गरेका छन्। ट्रम्प, उनको परिवार र सहयोगीहरूले गएको सोमबार वर्ल्ड लिबर्टी फाइनान्सियल लन्च गरेको घोषणा गरे। यद्यपि यस व्यवसायको बारेमा थप जानकारी दिइएको छैन।
यो क्रिप्टो व्यवसाय सोमबार सोशल मिडिया प्लेटफर्म एक्स स्पेसेजमा एक लाइभ कार्यक्रममा सुरु गरिएको थियो। गत आइतबार अमेरिकाका राष्ट्रपति रहेका ट्रम्पमाथि दोस्रो पटक घातक हमला गर्ने प्रयास गरिएको थियो । यस कार्यक्रममा ट्रम्पले आक्रमणको जानकारी पनि दिएका थिए। यद्यपि ट्रम्प वा उनको परिवारले यो व्यवसायको बारेमा धेरै जानकारी दिएका छैनन्। यो फर्मले कस्तो प्रकारको सेवा प्रदान गर्नेछ भन्ने पनि थाहा छैन।
सामान्यतया, राष्ट्रपति पदका उम्मेद्वारका लागि चुनावको नजिक नयाँ व्यवसाय सुरु गर्नु असामान्य हो, तर ट्रम्प नोभेम्बर ५ को चुनाव अघि क्रिप्टोकरेन्सी समर्थकहरूलाई आकर्षित गर्ने मौका खोजिरहेका छन्। यद्यपि, ट्रम्पले यसअघि क्रिप्टोकरेन्सीलाई घोटाला भनेका थिए। त्यसपछि राष्ट्रपति पदका लागि पुनः चुनाव लडेपछि उनले डिजिटल सम्पत्तिलाई समर्थन गर्न थाले। उनले अमेरिकालाई विश्वको क्रिप्टो राजधानी बनाउने वाचा पनि गरेका छन्।
ट्रम्पले यस क्षेत्रका लागि कडा नियमहरू नगर्ने र बिटक्वाइनको रिजर्भ सिर्जना गर्ने पनि संकेत गरेका छन्। पछिल्ला केही हप्ताहरूमा, उनको परिवारले पनि यो क्रिप्टो परियोजनालाई बढावा दिएको छ।
प्रकाशित: ४ आश्विन २०८१, शुक्रबार
