चार्जरपछि अब बक्सबाट यूएसबी–सी केबल पनि हटाउँदै एप्पल

काठमाडौं ।

केही वर्ष पहिले आईफोन बक्सहरूबाट पावर एडप्टरहरू हटाउने निर्णय गरेको एप्पलले अब नयाँ एयरपड्स ४ का साथ आफ्नो न्यूनतम प्याकेजिङ्गको तरिका तवर अपनाउने भएको छ।

भर्खरै घोषणा गरिएको एयरपड्स ४ वायरलेस इयरबडहरू जुन स्ट्याण्डर्ड र नोइज–क्यान्सलिङ गरी दुई भेरियन्टहरूमा उपलब्ध छन् तिनीहरूको अब बक्समा यूएसबी–सी चार्जिङ केबल समावेश नगरी ढुवानी गरिने भएको जनाइएको छ।

साथै यो जानकारीबारे एप्पलले आफ्नो आधिकारिक एयरपड्स कम्प्यारिजन वेबपेजमा पुष्टि गरेको जनाइएको छ भने जसमा एयरपड्स ४ मोडेलहरूको लागि “यूएसबी–सी चार्ज केबल छुट्टै बिक्री गरिने” भनी सूचीबद्ध गरिएको थप उल्लेख गरिएको छ।

त्यसैगरी एप्पलले भर्खरै मात्र आफ्नो डिभाइसहरूमा यूएसबी–सी मा स्विच पूरा गरेको र यसले सपोर्टिङ केबल पनि ड्रप गर्न सुरु गरिसकेको जनाइएको छ। साथै केही प्रयोगकर्ताहरूले भने यसअघि नै यूएसबी–सी केबल हात पारिसकेको हुन सक्ने थप उल्लेख गरिएको छ।

यसबाहेक पुराना डिभाइसहरूबाट अपग्रेड गर्नेहरू वा एप्पल इकोसिस्टममा प्रवेश गर्ने नयाँ प्रयोगकर्ताहरूको बारेमा के हुन्छ भनेर प्रश्न खडा भएको जनाइएको छ। तिनीहरूको सन्दर्भमा भने तिनीहरूले एयरपडहरू चार्ज गर्नको लागि अतिरिक्त खरीद गर्न पर्ने उल्लेख गरिएको छ।

अब एप्पलले तिनीहरू प्याकेजिङ फोहोर घटाएर वातावरणीय रूपमा सचेत भएको भनेर तर्क गर्न सक्छन्। यो एक उचित तर्क पनि भएको र निश्चित रूपमा यो प्रवृत्तिपछि हामी सबै लाग्न सकिने जनाइएको छ।

तर एउटै केबल हटाउनु भनेको उनीहरूले लिन सक्ने सबैभन्दा प्रभावकारी कदम भने पक्कै नभएको थप उल्लेख गरिएको छ।

त्यसैगरी यसपछि अब आइफोनको पालो हुन सक्ने जनाइएको छ। अहिलेको लागि आईफोन १६ अझैसम्म पनि यूएसबी–सी केबलको साथ ढुवानी हुने गरेको उल्लेख गरिएको छ।

यद्यपि एप्पलले आगामी अर्को इयरफोनमा चार्जिङ केस हटायो भने पनि त्यसमा कुनै आश्चर्य नहुने गीज्मोचाइनाले उल्लेख गरेको छ।