माइक्रोसफ्टले आयोजना गर्यो विश्वव्यापी क्राउडस्ट्राइक समस्या पछिको पहिलो साइबर सुरक्षा सम्मेलन

काठमाडौं ।

माइक्रोसफ्टले मंगलबार साइबर सुरक्षा प्रणाली सुधार गर्नका लागि कदमहरू छलफल गर्न एक सम्मेलनको आयोजना गरेको छ। यो सम्मेलन जुलाईमा क्राउडस्ट्राइकको एउटा खराब सफ्टवेयर अपडेटका कारण भएको विश्वव्यापी आईटी अवरोध पछि आएको रोयटर्सले जनाएको छ।

यो सम्मेलन माइक्रोसफ्टद्वारा जुलाई १९ मा लगभग ८.५ मिलियन विन्डोज उपकरणहरूमा असर पार्ने समस्या समाधान गर्न उठाइएको पहिलो महत्वपूर्ण कदम हो। उक्त क्राउडस्ट्राइकले ठूला एयरलाइन्सदेखि बैंक र स्वास्थ्य सेवा क्षेत्रमा सञ्चालनहरू अवरुद्ध पारेको थियो।

यो कार्यक्रम वासिङ्टनको रेडमन्डमा रहेको माइक्रोसफ्टको मुख्यालयमा हुनेछ जहाँ सरकारी प्रतिनिधिहरूलाई पनि निमन्त्रणा गरिएको छ।

जुलाईमा भएको आईटी अवरोधले धेरै संस्थाहरू आईटी प्रणाली वा त्यसको कुनै सफ्टवेयरमा समस्या आउँदाजस्ता एकल बिन्दुमा भएको समस्याको लागि आपतकालीन योजना कार्यान्वयन गर्न राम्ररी तयारी नभएको चिन्ता खडा गर्यो।

यस सम्बन्धमा विश्लेषकहरूले यो अवरोधले सुरक्षा समाधानको लागि एकमात्र बिक्रेतामा भर पर्नुका जोखिमहरू पनि उजागर गरेको बताएका छन्।

डेल्टा एयरलाइन्सले उक्त अवरोधले व्यापक उडान रद्द गरेको र कम्तीमा करोड डलर घाटा पुर्याएकोले उनीहरूले क्राउडस्ट्राइक र माइक्रोसफ्टविरुद्ध कानूनी दावी गर्ने तयारी गरिरहेको बताएको छ।