आज राति पौने ११ बजे एप्पल लाइभ इभेन्टमा एआई सुविधायुक्त आइफोन १६ लगायत के के आउँँदैछन्?

काठमाडौं ।

• एप्पलले नयाँ आइफोन १६ सिरिज सहित ‘एपल इन्टेलिजेन्स’ नामक आफ्नो एआई सुविधाहरूको सुइटका साथै अन्य डिभाइसहरू लन्च गर्दैछ।
• एप्पलको ‘एप्पल इन्टेलिजेन्स’ भनिने नयाँ एआई फिचर्स आर्म भी९ आर्किटेक्चरमा आधारित नयाँ ए१८ बायोनिक चिप्स प्रयोग गरेर सञ्चालित हुनेछ।

एप्पल इभेन्ट २०२४ लाइभः एपलले नयाँ आइफोन १६ सिरिज, एपल वाच एक्स र एयरपड्स ४ जस्ता अन्य डिभाइसहरू सहित ‘एपल इन्टेलिजेन्स’ नामक एआई सुविधाहरूको सुइट लन्च गर्दैछ। आज लन्च हुने आईफोनहरूमा आईफोन १६, आइफोन १६ प्लस, आइफोन १६ प्रो र आइफोन १६ प्रो म्याक्स समावेश रहेका छन्।

आइफोन १६ र आइफोन १६ प्लस ए१८ बायोनिक चिपद्वारा सञ्चालित हुने अपेक्षा गरिएको छ भने आइफोन १६ प्रो र आइफोन १६ प्रो म्याक्स ए१८ प्रो चिपको साथ आउने सम्भावना छ।

फोनमा भौतिक रुपमा टाढाबाट नै काम गर्ने आगामी एआई टुल्सको अधिकतालाई समर्थन गर्न आर्मको पछिल्लो भी९ आर्किटेक्चरमा आधारित चिपहरू हुनेछन् जसलाई सामूहिक रूपमा ‘एप्पल इन्टेलिजेन्स’ भनिने उल्लेख छ।

एप्पल इभेन्ट २०२४ लाइभः कार्यक्रम कहिले सुरु हुन्छ, यो कहाँ र कसरी हेर्ने?

एपल इभेन्ट २०२४ लाइभः एपल ‘ग्लोटाइम’ इभेन्ट सोमबार, सेप्टेम्बर ९, २०२४ मा यसको क्यूपर्टिनो पार्क, क्यालिफोर्नियाको मुख्यालयमा हुनेछ। कार्यक्रम प्यासिफिक टाइम (पीटी) अनुसार बिहान १० बजे हुनेछ जुन नेपाली समय अनुसार आज राति १०ः४५ हो।

तपाइँ एपलको आधिकारिक वेबसाइट, युट्युबमा, र एपल टिभी एपमा पनि घटना प्रत्यक्ष हेर्न सक्नुहुन्छ।

के के आउँदैछन्?

१. आईफोन १६ सिरिज
गीज्मोचाइनाका अनुसार एप्पलको इभेन्टको स्टार निस्सन्देह रुपमा आईफोन हुनेछ। एप्पलले बेस (आधार), आईफोन १६ र १६ प्लस गरी चारवटा नयाँ आईफोन १६ मोडल सार्वजनिक गर्ने अपेक्षा गरिएको छ।

आईफोन १६ आफ्ना पूर्ववर्तीहरू आईफोन १५ र १५ प्लसको तुलनामा थोरै नवीकरण गरिएको डिजाइनको साथ आउनेछन्। आईफोन १६ ले म्याट–फिनिस्ड रियर ग्लास र फ्ल्याट फ्रेम्सको साथमा अझै पनि हालको मोडेलहरूको आकार कायम राख्ने जनाइएको छ।

यद्यपि क्यामरा मोड्युल डिजाइन भने आईफोन एक्सको जस्तै भर्टिकल लेआउटमा हुने थप उल्लेख गरिएको छ।

अर्कोतर्फ एप्पलले यी मोडेलहरूको लागि ए१८ चिप रोज्ने सम्भावनाको उल्लेख गरिएको छ। आईओएस १८.१ सँग आउने यो प्रोसेसरले सबै एआई फङ्गसनहरू चलाउन सक्षम हुने थप उल्लेख गरिएको छ।

एप्पलको आगामी सेप्टेम्बर ९ कार्यक्रममा नयाँ आईफोन १६ प्रो र १६ प्रो म्याक्स सार्वजनिक हुने जनाइएको छ। प्रो मोडेलमा पातलो फ्रन्ट बेजल्सहरू बाहेक हालको मोडेलहरूको तुलनामा डिजाइनको सन्दर्भमा ठूलो परिवर्तन समावेश नहुने उल्लेख गरिएको छ।

साथै यसमा एप्पलले ठूलो ६.३ र ६.९ इन्च स्क्रिन दिने जनाइएको छ। प्रोसेसरको सन्दर्भमा भने एप्पलले यी मोडेलहरूको लागि अझ शक्तिशाली ए१८ प्रो चिप छनोट गर्ने उल्लेख गरिएको छ।

यस वर्षको सबै आईफोन १६ हरू मा एक्शन बटन सपोर्ट रहने जनाइएको छ। यो फोनको साइड (छेउ) मा रहने कस्टमाइजेबल सर्टकट बटन हो जुन एप्पलले गत वर्ष आईफोन १५ प्रो र प्रो म्याक्सको साथ प्रस्तुत गरेको थियो। यसबाहेक, क्यामरा–फोक्स्ड (केन्द्रित) क्याप्चर बटन पनि आईफोन १६ सिरिज मा समावेश हुने अपेक्षा गरिएको छ।

२. नयाँ एप्पल वाच सिरिज १०
यस कार्यक्रममा एप्पलले आफ्नो नयाँ स्मार्टवाच ‘एप्पल वाच सिरिज १०’ पनि लन्च गर्ने अपेक्षा गरिएको छ। साथै नयाँ सिरिजको स्मार्टवाचलाई नयाँ आईफोनहरूसँगै ट्याग गर्नु सामान्य भइसकेको जनाइएको छ।

अफवाहहरूले सुझाव दिए अनुसार नयाँ वेयरेबल स्लिमर बडि र थिन फ्रन्ट बेजल्सको साथ आउन सक्ने उल्लेख गरिएको छ। त्यसैगरी एप्पलले एप्पल वाच अल्ट्रा जस्तै नयाँ ४९ एमएम साइज पनि प्रस्तुत गर्ने सम्भावना रहेको थप उल्लेख गरिएको छ।

एप्पल वाच १० वर्षको हुँदैछ भन्ने कुरालाई ध्यानमा राख्दै त्यहाँ एउटा स्पेसल एडिशन (विशेष संस्करण) को बारेमा पनि अफवाह आएको जनाइएको छ जुन एप्पल वाच एक्स जस्तै नयाँ डिजाइन रहेको उल्लेख गरिएको छ।

यद्यपि यस बारेमा थप स्पष्टता उपलब्ध नभएको र यसको पुष्टिको लागि भने सन् २०२५ सम्म पर्खनुपर्नेछ गीज्मोचाइनाको समाचारमा उल्लेख गरिएको छ। त्यसैगरी अल्ट्रा मोडेलको कुरा गर्दा, एप्पलले आफ्नो सबैभन्दा रोबस्ट स्मार्टवाचलाई भने नयाँ पुस्तासँग अपडेट नगर्ने भएको जनाइएको छ।

यसको सट्टा कम्पनीले एप्पल वाच एसई प्रस्तुत गर्न सक्ने जनाइएको छ जुन हालको मोडेल भन्दा धेरै सस्तो हुनेछ। साथै यस नयाँ स्मार्टवाचलाई सस्तो बनाउन एल्युमिनियमको सट्टा प्लास्टिकको केसमा राखिने बताइएको छ।

३. एयरपड्स ४
अपेक्षित रूपमा एयरपड्स पनि सेप्टेम्बर ९ मा एप्पलको कार्यक्रमको स्टारहरू मध्ये एक हुने उल्लेख गरिएको छ। एप्पलले वास्तविक वायरलेस हेडफोन बजारमा प्रतिस्पर्धा जारी राख्नको लागि नयाँ मिड–रेन्ज र एन्ट्री–लेभल एयरपड्स ४ अप्सनहरू (प्रो बाहेक) घोषणा गर्ने अपेक्षा गरिएको छ।

ती मध्ये एउटा हालको तेस्रो–पुस्ताको एयरपड्ससँग मिल्दोजुल्दो फिचरहरूको साथ आउने जनाइएको छ भने बाँकि अर्को भेरियन्टमा एक्टिभ नोइज क्यान्सिलेसन समावेश गरिने उल्लेख गरिएको छ। साथै कम मूल्यमा बिक्री गरिने भएकाले यसमा एयरपड्स प्रो भन्दा थोरै कम फिचरहरू समावेश गरिने थप उल्लेख गरिएको छ।

अन्तमा, एयरपड्स म्याक्सको रिफ्रेस देखिनु कुनै अनौठो नहुने उल्लेख गरिएको छ जुन हालको मोडेलहरूको तुलनामा अद्यावधिक सुविधाहरूको साथ आउन सक्ने जनाइएको छ।

साथै यसमा लाइटनिङ कनेक्टरको सट्टा यूएसबी–सी पोर्ट, ब्लुटुथ ५.३, थप सुविधाहरूको लागि एच२ चिप र नयाँ रङ्गहरू समावेश गरिएका छन्।

४. एप्पल इन्टेलिजेन्स
एआईमा एप्पलको फोकस डब्ल्यूडब्ल्यूडीसीबाट यसको सेप्टेम्बर कार्यक्रम मार्फत आईफोन १६ र आईफोन १६ प्रो मोडेलहरूको लागि समर्पित एप्पल इन्टेलिजेन्स फिचर्सहरूको साथ विस्तार हुन सक्ने जनाइएको छ।

एप्पल इन्टेलिजेन्सले नयाँ डिभाइसहरूको घोषणामा मुख्य भूमिका खेल्नेछ भनेर पहिले रिपोर्ट गरिएको थियो। साथै गत जुन महिनामा भएको कम्पनीको डब्ल्यूडब्ल्यूडीसी कार्यक्रममा देखा नपरेको नयाँ डिभाइसहरूको लागि कम्पनीले के कस्ता विभिन्न फिचर (सुविधा) हरूको योजना बनाएको छ भनेर हेर्न पर्खिरहेको उल्लेख गरिएको छ।

५. आईओएस १८ र अन्य सफ्टवेयर अद्यावधिकहरू
इभेन्टको केही समय पछि एप्पलले आईओएस १८, आईप्याडओएस १८, म्याकओएस १५, वाचओएस ११, टिभीओएस १८ र भिजनओएस २ लाई यसको बीटा परीक्षणको अन्तिम लहरको भागको रूपमा विकासकर्ताहरूलाई उम्मेदवार बानाउँदै रिलीज गर्ने जनाइएको छ।

साथै सेप्टेम्बर २० भन्दाअघि डिभाइसहरू उपभोक्ताका हातमा परेको केही समयपछि अपडेटहरू पनि जारी गरिने थप उल्लेख गरिएको छ।

नयाँ सफ्टवेयर अपडेटहरूमा यस वर्षको सुरुमा कम्पनीले घोषणा गरेका सबै फिचरहरू समावेश हुनेछ जसमा एप्पलले यसको डब्ल्यूडब्ल्यूडीसी कार्यक्रममा घोषणा गरेको धेरै एआई फिचरहरू पर्ने थप उल्लेख गरिएको छ।