नोकियाको नेटवर्किङ पूर्वाधारको स्वामित्व ग्रहण गर्ने दाउमा सामसङ

काठमाडौं ।

केही वर्षमा नोकियाले एरिक्सन र ह्वावेजस्ता ठूला खेलाडीहरूसँग प्रतिस्पर्धा गर्न संघर्ष गरेकोमा फिनल्यान्डको यो कम्पनी अझै पनि नेटवर्क पूर्वाधार व्यवसायमा एक प्रमुख खेलाडीका रुपमा चिनिएको छ।

सामसङसँग पनि आफ्नै रेडियो एक्सेस नेटवर्क शाखा छ तर यो तुलनात्मक रूपमा सानो छ। गत वर्ष यसले करिब ६.१% बजार हिस्सा ओगटेको थियो।

हाल उद्योग भित्रका सूत्रहरूका अनुसार सामसङले आफ्नो रेडियो एक्सेस नेटवर्क स्थितिलाई बलियो बनाउन नोकियाको पूर्वाधार व्यवसाय किन्ने चाहनामा रहेको चर्चा सुरु भएको छ।

बिक्रीको लागि लगभग १० अर्ब डलरको अनुमानित रकम उल्लेख गरिएको छ। यदि यो सम्झौता सम्पन्न भयो भने सामसङ विश्वव्यापी रूपमा दोस्रो ठूलो रेडियो एक्सेस नेटवर्क आपूर्तिकर्ता बन्नेछ र यसको बजार हिस्सा २५.६% हुनेछ।

सामसङले पहिले नै ४जी र ५जी बेस स्टेशन, चिपसेट, उपकरणहरू, रेडियो, र कोर उपकरणहरू बनाउँदै आएका कारण कोरियाली दिग्गज कम्पनी पूर्वाधार व्यवसायका लागि नयाँ होइन।

यसले विश्वभरका सेवाप्रदायकहरूलाई आपूर्ति गरिसकेको छ जसमा क्यानडाको टेलस, जर्मनीको ओ२, भारतको रिलायन्स जिओ, जापानको केडीडीआई र एनटीटी डोकोमो, अमेरिकामा डिश र भेराइजन, र बेलायतमा भोडाफोन समावेश छन्।