जुलाई आउटेजले ६ करोड डलर घाटा लागेको क्राउडस्ट्राइकको आकलन

काठमाडौं ।

साइबरसेक्युरिटी विशेषज्ञ क्राउडस्ट्राइक होल्डिङ्सले बुधवार जुलाईमा भएको आउटेजका कारण आफ्नो बिक्रीमा लगभग ६ करोड डलरको घाटा लागेको बताएको एपीन्युजले उल्लेख गरेको छ।

उक्त महिनामा सफ्टवेयर अपडेटको गलत व्यवस्थापनले प्रविधि संकट निम्त्याएपछि बिक्रि पाइपलाइनमा लगभग ६ करोड डलर घाटा लागेको छ हो। उक्त आउटेजका कारण ८५ लाख विण्डोज डिभाइसहरुमा गडबाडी आउनुका साथै हजारौं मानिसहरू विमानस्थलमा अलपत्र पर्नुका बैंक, अनलाइन कारोबार लगायतका क्षेत्रका काम ठप्प भएका थिए।

यो घटनाले ग्राहकहरूलाई बिच्काएका कारण क्राउडस्ट्राइकको वित्तीय दोस्रो त्रैमासिकको अन्तिम केही हप्तामा ६ करोड डलर हाराहारीको नयाँ सम्झौता हातबाट फुत्किएको थियो। तर कम्पनीका उच्च अधिकारीहरुले ती नयाँ सम्झौताहरु पुन: हात पार्न सकिने आश्वासन दिएका छन्।

टेक्सासमा रहेको कम्पनीका कार्यकारीहरूले २०२५ जनवरीमा आफ्नो वित्तीय वर्ष समाप्त हुनु अघि यी सम्झौताहरू गर्न सक्षम हुने भविष्यवाणी गरे। यसमा ग्राहकहरूले १९ जुलाईको गल्तीको बाबजुद यसको साइबरसुरक्षा उत्पादनहरूमा अझै विश्वास गरेको कारणलाई उनीहरुरले प्रमुख मानेका थिए ।

“हाम्रो मिशन कायमै र राम्रो छ, र म जान्दछु कि क्राउडस्ट्राइकको उत्कृष्ट दिनहरू हाम्रो अगाडि छन्,” क्राउडस्ट्राइकका सीईओ जर्ज कुर्ट्जले कम्पनीको अप्रिल-जुलाई अवधिको बारेमा विश्लेषकहरूसँगको एक सम्मेलनमा भने।

उनले आउटेजमा कम्पनीको भूमिकाको लागि माफी माग्दै भने, “म यो क्षण कहिल्यै बिर्सिने छैन, र यस्तो कहिल्यै फेरि नहोस् भन्ने सुनिश्चित गर्न म प्रतिबद्ध छु। उक्त घटनापछिका दिनहरू मेरो करियरमा सबैभन्दा चुनौतीपूर्ण थिए किनभने मैले हाम्रो ग्राहकहरूले भोगेका समस्यालाई गहिरोसँग महसुस गरेँ।”

कुर्ट्जका आश्वस्त गर्ने टिप्पणीहरू र विश्लेषकहरूको प्रक्षेपणभन्दा माथि रहेको त्रैमासिक कमाइले यसअघि पछिल्लो हप्ताहरूमा क्राउडस्ट्राइकको शेयरहरू खरिद गरिरहेका थिए तर कम्पनीले आउटेजका लागि कम्प्युटर बगलाई दोष दिएपछि सुरुमा सेयर डम्प गरेकाहरुलाई आश्वस्त गरेको देखिन्छ।

बुधबारको विस्तारित ट्रेडिङमा कम्पनीका शेयरहरू थोरै मात्रामा बढेका थिए, जसले सेयरको मूल्य टेक आउटेज अघिभन्दा १३ प्रतिशत कम मूल्यमा  राखेको छ।