बीवाईडीले टेस्लासँगको ग्याप कम गर्दै, ईभी बिक्रीमा टेस्लाको प्रभुत्वलाई खतरामा पार्दै

Technology Khabar २३ असार २०८१, आईतवार

बीवाईडीले टेस्लासँगको ग्याप कम गर्दै, ईभी बिक्रीमा टेस्लाको प्रभुत्वलाई खतरामा पार्दै

काठमाडौं ।

इलेक्ट्रिक भेहिकल मार्केट (विद्युतीय सवारीको बजार) मा प्रतिस्पर्धा पूर्ण गतिमा जारी छ। यस प्रतिस्पर्धाको नेतृत्वमा इलन मस्कले स्थापना गरेको ‘टेस्ला’ र चीनको उदाउँदो तारा ‘बीवाईडी’ रहेका छन्।

हाल टेस्लाले नेतृत्व गरिरहेको छ तर बिक्रीको सन्दर्भमा चीनको बीवाईडीले पनि लय समातिरहेको तथ्यांकमा उल्लेख छ।

बीवाईडी वृद्धि हुँदै, टेस्लाको बिक्री प्रभुत्वलाई चुनौती दिँदै

टेस्ला र बीवाईडी बीचको प्रतिस्पर्धा बढ्दो रुपमा रोमाञ्चक हुँदै गइरहेको छ। इलन मस्कको कम्पनी स्याचुरेसनमा पुग्दा, चिनियाँ निर्माता भने निरन्तर बढ्दै गएको छ। यसले दुई कम्पनीहरू बीचको ग्यापलाई कम गर्दै लगेको छ।

संख्याको हिसाबले, बीवाईडीले सन् २०२४ को दोस्रो त्रैमासिकमा २१ प्रतिशतले आफ्नो बिक्री बढाएको र ४ लाख २६ हजार ३९ ईभी बिक्री गरेको छ। यो संख्या टेस्लाले सोही अवधिमा बिक्री गरेको ४ लाख ४३ हजार ९५६ इभी भन्दा १७,००० मात्र कम हो।

थोरै देशहरूमा बीवाईडीको उपस्थिति र यसको कम ब्रान्ड पहिचानलाई ध्यानमा राख्दा, यो उपलब्धिलाई प्रभावशाली मानिएको छ।

टेस्लाले मुख्यतया साइबरट्रक जस्ता उच्च मूल्यका सवारी साधनहरू उत्पादन गर्दछ भने बीवाईडी बढी किफायती ईभीहरूको लागि परिचित छ। बिक्रीलाई असर गरेतापनि, टेस्लाले एक बलियो नाफा लाभ कायम राख्दै आएको छ।

जुन महिनामा, चीनमा टेस्लाको ईभी बिक्री अघिल्लो वर्षको तुलनामा २४.२ प्रतिशतले घटेर ७१,००० युनिटमा पुग्यो र जुन लगातार तेस्रो वार्षिक गिरावट भएको उल्लेख गरिएको छ।

चिनियाँ बजार चुनौतीपूर्ण देखिने पनि व्यापार तनावले यो आउटलुक परिवर्तन गर्न सक्ने उल्लेख गरिएको छ। उदाहरणका लागि, युरोपेली संघले चिनियाँ विद्युतीय सवारी साधनको आयातमा प्रतिबन्ध लगाउने योजना बनाएको छ र जसले गर्दा सम्भावित रुपमा टेस्ला जस्ता पश्चिमी ब्रान्डहरूलाई लाभ हुनेछ।

त्यसैगरी, टेस्लाले थप किफायती मोडेलहरू पनि विकास गर्दैछ। यद्यपि, मस्कको कम्पनीको लागि चेतावनी संकेतहरू स्पष्ट रहेको गीज्मोचाइनाले रिपोर्टमा उल्लेख गरेको छ।

Sajilo Visa

प्रकाशित: २३ असार २०८१, आईतवार