विद्युतीय सवारी साधनमा लगाइएको करले ईयूको हितमा ‘हानि’ पुर्याउने

Technology Khabar ३० जेष्ठ २०८१, बुधबार

विद्युतीय सवारी साधनमा लगाइएको करले ईयूको हितमा ‘हानि’ पुर्याउने

काठमाडौं ।

चीनले चिनियाँ विद्युतीय सवारी साधनको आयातमा युरोपेली सङ्घ (ईयू) को थप करले ‘युरोपको आफ्नै हितलाई हानि पुर्याउने’ चेतावनी दिँदै ईयूको ‘संरक्षणवाद’को निन्दा गरेको छ।

चिनियाँ विदेश मन्त्रालयका प्रवक्ता लिन जियानले भन्नुभयो, “यो बजार अर्थतन्त्र र अन्तर्राष्ट्रिय व्यापार नियमको सिद्धान्तविपरीत छ र यसले चीन–ईयू आर्थिक तथा व्यापारिक सहयोगलगायत विश्वव्यापी अटोमोबाइल उत्पादन र आपूर्ति श्रृङ्खलाको स्थिरतालाई कमजोर पार्छ।”

ईयू कमिसनले बुधबार चीनबाट आयात हुने विद्युतीय सवारीसाधनमा नयाँ कर लगाउने तयारी गरेको उद्योग स्रोतले एएफपीलाई जानकारी दिएको छ।

स्रोतका अनुसार १० प्रतिशत भन्सारको अतिरिक्त २५ प्रतिशतसम्म कर वृद्धि हुने अपेक्षा गरिएको छ ।

लिनले भन्नुभयो, “हामी ईयू पक्षलाई स्वतन्त्र व्यापारलाई समर्थन गर्ने र संरक्षणवादको विरोध गर्ने आफ्नो प्रतिबद्धताको सम्मान गर्न र चीन–ईयू आर्थिक र व्यापार सहयोगको समग्र हितलाई कायम राख्न चीनसँग काम गर्न आग्रह गर्दछौं ।”

युरोपको मर्सिडीजदेखि फेरारीसम्मका प्रतिष्ठित ब्रान्डजस्ता अटोमोटिभ क्षेत्र यसको औद्योगिक मुकुटको गहना हो । तर यसले दहन इन्जिनको बढ्दो अन्त्यबाट अस्तित्वको खतराको सामना गरेको छ र बिद्युतीय सवारी साधनको विकाससँगै चीनले यूरोपेली सवारी निर्माताको लाभमा प्रभाव पारेको छ।

ब्रसेल्सले ईयूका अधिकारीले उनीहरूले युरोपका कार निर्माताहरूलाई कमजोर पार्ने अनुचित अभ्यासलाई रोक्न गत वर्ष चिनियाँ विद्युतीय कार अनुदानको बारेमा अनुसन्धान सुरु गरेको थियो। रासस/एएफपी

Sajilo Visa

प्रकाशित: ३० जेष्ठ २०८१, बुधबार