शिक्वल फाउन्डेसनद्वारा महिला मात्र सहभागी ह्याकाथन सफलतापूर्वक सम्पन्न

Technology Khabar २ जेष्ठ २०८१, बुधबार

शिक्वल फाउन्डेसनद्वारा महिला मात्र सहभागी ह्याकाथन सफलतापूर्वक सम्पन्न

काठमाडौं ।

शिक्वल फाउन्डेसनले नेपालको सबैभन्दा ठूलो महिला मात्र सहभागी ह्याकाथन ‘सशक्त नेपालका लागि ह्याकिङ’ सम्पन्न गरेको छ ।

ह्याकाथनमा प्रविधिको क्षेत्रमा रुची भएका विविध समूहका ६० बढी प्रतिभावान महिलाहरूको सहभागीता रहेको थियो।

तीन दिनसम्म चलेको कार्यक्रम टेवा नेपालमा आयोजित भएको थियो, जहाँ प्रतिभावान महिलाहरूले आफ्नो रचनात्मकता र तकनिकी क्षमतासँगै निरन्तर कोडिङ्ग गर्दै उत्कृष्ट समाधानहरू विकसित गरेका थिए।

आयोजककाअनुसार यसले कौशल विकास, सहयोग र सशक्तिकरणका लागि एउटा मञ्च प्रदान गरेको थियो। ह्याकाथनको अन्तिम दिन टिम फिजिओनेपले एक लाख रुपैयाँसहित बिजयी स्थान सुरक्षित गर्न सफल भएको थियो, जसले तिनीहरूको समाधान भौतिक चिकित्सा प्रक्रियामा कोण निर्धारण गर्ने थियो।

यसपछि, टिम पोषण साथीले आफ्नो पोषणको माध्यमबाट सशक्त गर्ने समाधानको साथ नगद ७५,००० पुरस्कारका साथ फर्स्ट रनर अपको स्थान हासिल गर्न सफल भयो। अन्त्यमा, टिम लेडीबग्सले सीरभिक्स प्रकारको पहिचानकर्ता एप सिर्जना गर्यो र ५०,००० रुपैयाँको पुरस्कार सेकेन्ड रनर अपको स्थान हासिल गरेको छ।

वैशाख २९ गते सुरू भएको ह्याकाथनको पहिलो दिन कार्यशालाहरूदेखि लिएर नेटवर्किङका क्षण, दोस्रो दिनमा अघि बढ्दै जाँदा, सहभागीहरूलाई उद्योग विशेषज्ञहरूसँग अन्तरक्रिया गराइएको थियो।

शिक्वल फाउन्डेसनका संस्थापक तथा सह-प्रबन्ध निर्देशक आस्था शर्माले सहभागीहरूले नेपालको अत्यावश्यक समस्याहरूलाई अभिनव समाधानहरू मार्फत सम्बोधन गर्दै आफ्नो रचनात्मकता र प्राविधिक सीपहरू प्रदर्शन गरेको बताईन्।

उनले थप समावेशी र समतामूलक भविष्यको लागि मार्ग प्रशस्त गर्ने, प्राविधिक उद्योगमा लैङ्गिक विविधता र सशक्तिकरणको ड्राइभिङ शेक्वल फाउन्डेसनको मिशनको अभिन्न अंग रहेकोमा जोड दिईन्।

easy care

प्रकाशित: २ जेष्ठ २०८१, बुधबार

ताजा समाचार