पिक्सेल डिभाइसहरूको लागि एन्ड्रोइड १५ बिटा १ रोल आउट

Technology Khabar १ बैशाख २०८१, शनिबार

पिक्सेल डिभाइसहरूको लागि एन्ड्रोइड १५ बिटा १ रोल आउट

काठमाडौं ।

गुगलले एन्ड्रोइड १५ को पहिलो बिटा बिल्ड रोल आउट गर्न थालेको छ। यो अहिलेका लागि एन्ड्रोइड बिटा प्रोग्राममा दर्ता गरिएका पिक्सेल डिभाइसहरूमा डाउनलोडको लागि मात्र उपलब्ध रहेको जनाइएको छ।

यसले विकासकर्ताहरूलाई आगामी ओएस पुनरावृत्तिमा तिनीहरूको एपहरू परीक्षण गर्ने मौका प्रदान गर्दै फेब्रुअरी र मार्चमा जारी गरिएका दुई डेभलपर प्रिभ्यु बिल्ड (विकासकर्ता पूर्वावलोकन निर्माण) हरूलाई पछ्याएको छ।

यद्यपि प्रमुख विशेषताहरू सम्भवतः अर्को महिना गुगल आई/ओ को लागि आरक्षित गरिएका छन् भने बिटा १ अपडेटले धेरै प्रमुख क्षेत्रहरूमा सुधारहरूको लागि आधार निर्माणमा ध्यान केन्द्रित गरेको जनाइएको छ।

एन्ड्रोइड १५ बिटा १ को फिचर

एन्ड्रोइड १५ बिटा १ को मुख्य परिवर्तनहरू मध्ये एक लार्जर डिस्प्लेहरूको लागि एप अप्टिमाइजेसनसँग सम्बन्धित रहेको छ। नयाँ ओएसका लागि निर्मित एपहरू स्वतः पूर्वनिर्धारित रूपमा एज–टु–एज फरम्याटमा रेन्डर हुनेछन् भने विकासकर्ताहरूले स्क्रिनको प्रयोगलाई अधिकतम गर्न थप कोड लागू गर्ने आवश्यकतालाई हटाएको छ।

साथै अद्यावधिकले टकब्याक स्क्रिन रिडर भित्र ब्रेल डिस्प्लेहरूको लागि समर्थन प्रस्तुत गरेर पहुँचलाई प्राथमिकता दिएको जनाइएको छ। यसले कमजोर दृष्टि भएका प्रयोगकर्ताहरूलाई यूएसबी वा ब्लुटुथ मार्फत ब्रेल डिस्प्लेहरू कनेक्सन गर्न दिने उल्लेख छ।

एन्ड्रोइड १५ बिटा १ ले एप अर्काइभिङ र अनअर्काइभिङको लागि ओएस–लेभल फिचर प्रस्तुत गरेको छ भने स्टोरेज स्पेस व्यवस्थापन गर्न मद्दत गर्नेछ। साथै प्रयोगकर्ताहरूले अब पछिको लागि सिमलेस रिएक्टिभेसन (पुनः सक्रियता) को लागि एप डाटा सुरक्षित गर्दै ठाउँ खाली गरेर कहिलेकाहीं प्रयोग गरिएका एपहरू अर्काइभ गर्न सक्ने उल्लेख गरिएको छ।

त्यसैगरी सेक्युरिटीले पनि कन्ट्याक्ट कीहरुको इन्ड–टु–इन्ड इन्क्रिप्शनको लागि एपीआईको परिचयको साथ अपग्रेड प्राप्त गरेको छ। साथै यसले प्रयोगकर्ताहरूलाई सुरक्षित रूपमा व्यवस्थापन गर्न र अरूको सम्पर्क जानकारी प्रमाणित गर्न अनुमति दिनेछ।

उपलब्धता र इन्स्टलेसन (स्थापना)

एन्ड्रोइड १५ बिटा १ अपडेट पिक्सेल फोल्ड र पिक्सेल ट्याब्लेट सहित पिक्सेल ६ देखि पिक्सेल ८ प्रो सम्मका पिक्सेल डिभाइस्हरूसँग कम्प्याटिबल हुनेछ। यद्यपि, पिक्सेल ५ए ले भने अद्यावधिक प्राप्त नगर्ने उल्लेख छ।

अपडेट इन्स्टलेसन (अद्यावधिक स्थापना) गर्नका लागि दुई प्राथमिक विधिहरू रहेका छन्ः

  • एन्ड्रोइड बिटा प्रोग्रामः एन्ड्रोइड बिटा प्रोग्रामको इनरोलिङले प्रयोगकर्ताहरूलाई अप्टिङ इन गरेपछि अपडेट ओभर–द–एयर (ओटीए) प्राप्त गर्न अनुमति दिन्छ। पछिल्लो एन्ड्रोइड संस्करण प्राप्त गर्नमा यो नै सबैभन्दा मनपराइएको विधि हो।
  • म्यानुअल इन्स्टलेसनः अधिक प्राविधिक तरिका खोज्ने प्रयोगकर्ताहरूले फ्याक्ट्रि ईमेजहरू वा ओटीए फाइलहरू फ्ल्यास गरेर म्यानुअलरुपमा इन्स्टल रोज्न सक्ने छन्।

एन्ड्रोइड १५ डेभलपर प्रिभ्यु प्रोग्राम (विकासकर्ता पूर्वावलोकन कार्यक्रम) मा इनरोल भइसकेकाहरूले पहिले नै बिटा १ अद्यावधिक ओटीए प्राप्त गर्नेछन्।

Sajilo Visa

प्रकाशित: १ बैशाख २०८१, शनिबार