लेनोभोको थिंकप्याड एक्स१२ जेन २ डिट्याचेबल ल्यापटप अनावरण

काठमाडौं ।

लेनोभोले एमडब्ल्यूसी २०२४ मा थिंकप्याड एक्स१२ जेन २ डिट्याचेबल ल्यापटप अनावरण गरेको छ। लेनोभोको थिंकप्याड एक्स१२ डिट्याचेबल जेन २ अपग्रेड गरिएको इन्टर्नल र एआई फिचर्स सहित आफ्नो पूर्ववर्तीको सफलताको आधारमा निर्माण गरिएको छ।

नयाँ पुनरावृत्तिले परिचित डिट्याचेबल डिजाइनलाई कायम राखेको र प्रयोगकर्ताहरूलाई ल्यापटप र ट्याब्लेट मोडहरू बीच सजिलैसँग स्विच गर्न अनुमति दिने उल्लेख गरिएको छ।

थिंकप्याड एक्स१२ जेन २ डिट्याचेबल ल्यापटपको सबैभन्दा महत्त्वपूर्ण अपग्रेड प्रोसेसरमा गरिएको छ। जेन २ ले पछिल्लो पुस्ताको इन्टेल चिप्सलाई छोडेर अब पछिल्लो कोर अल्ट्रा प्रोसेसरहरू समावेश गरेको छ र जसले डिमान्डिङ कार्यहरूको लागि सुधारिएको पर्फमेन्सको वाचा गरेको छ।

त्यसका साथै एआई एसिस्टेन्ट, माइक्रोसफ्टको कोपाइलटमा सहज पहुँचको लागि डेडिकेटेड की समेत थिंकप्याड एक्स१२ डिट्याचेबल जेन २ मा हुनेछ।यो इन्टिग्रेसन (एकीकरण) ले भविष्यको विन्डोज ल्यापटपहरूमा कोपाइलट बटन समावेश गर्ने माइक्रोसफ्टको योजनासँग पङ्क्तिबद्ध रहेको छ।

जेन २ ले आरामदायक ब्याकलिट किबोर्ड, स्प्लिट ट्र्याकप्याड, र रेड (रातो) ट्र्याकपोइन्ट नब कायम राख्ने अपेक्षा गरिएको छ। यी फिचर्स (सुविधाहरू) ले समावेश गरिएको म्यागनेटिक स्टाइलससँग मिलेर टाइपिङ र नोट–टेकिङ दुवैको लागि बहुमुखी प्रयोगकर्ता अनुभव प्रदान गर्नेछ।

सन् २०२४ को अप्रिल महिनामा थिंकप्याड एक्स१२ डिट्याचेबल जेन २ लन्च हुने अपेक्षा गरिएको छ। यसको मूल्य १,३९९ अमेरिकी डलरदेखि सुरु हुने उल्लेख गरिएको छ।