थाहा पाउनुहोस् -किन तपाईको फोनको डाटा चाँडै सकिन्छ

काठमाडौं ।

धेरै मानिसहरु गुनासो गर्छन् कि आफ्नो मोबाइल डाटा धेरै छिटो समाप्त हुन्छ। यस्तो अवस्थामा कम्पनीहरूले बेइमान गरिरहेका छन्, हामीलाई कम डाटा दिइरहेका छन् भनी मानिसहरू सोचिरहेका हुन सक्छन् तर त्यस्तो होइन।

तपाईंलाई पूर्ण डाटा दिइएको हुन्छ तर यदि तपाईंले यसलाई सही रूपमा प्रयोग गर्नुभएन भने यो द्रुत रूपमा थाहा नपाईकननै सकिन्छ।

यहाँ हामीले केही यस्ता अनियमितताका बारेमा जानकारी दिने प्रयास गरेका छौं जसका कारण तपाईको फोनको डाटा छिट्टै समाप्त हुन्छ।

१. म्याप सेवा

तपाईले पक्कै पनि फोनमा म्याप्स सेवाहरू प्रयोग गर्नुहुन्छ जसले ठूलो मात्रामा इन्टरनेट प्रयोग गर्दछ। म्यापले तपाईँको फोनको डाटालाई छिटो सक्नमा ठूलो भूमिका खेल्छ।

यद्यपि, तपाइँलाई सायद थाहा नहुन सक्दछ कि तपाइँ इन्टरनेट बिना पनि नक्सा सेवा प्रयोग गर्न सक्नुहुन्छ। एक पटक मात्र इन्टरनेट प्रयोग गरेर म्यापलाई अफलाइनमा ‘सेभ’ गर्नुहोस्, त्यसपछि तपाइँ इन्टरनेट बिना पनि जीपीएस सेवा प्रयोग गर्न सक्नुहुन्छ।

२. अफलाइन गेमिङ

तपाई प्रायः आफ्नो एन्ड्रोइड फोनमा गेम खेल्नुहुन्छ। गुगल प्ले स्टोरबाट तपाइँ नि: शुल्क खेल डाउनलोड गर्नुहुन्छ र अब काम सकियो भनेर। तर, यसमा निशुल्क गेम उपलब्ध गराउने कम्पनीहरूले तपाईँबाट अन्य तरिकाले पैसा उठाउँछन् र तपाईलाई यसको बारेमा थाहा पनि हुँदैन। तपाईंले मोबाइल गेम खेल्दा धेरै विज्ञापनहरू देख्नुहुन्छ। यी विज्ञापनहरू तपाइँको आफ्नै इन्टरनेट डाटा प्रयोग गरेर तपाइँको स्क्रिनमा आउँछन् र यसले फोनको डाटा चाँडै सक्नमा धेरै योगदान गर्दछ।

३. उच्च रिजोलुसन भिडियो

तपाइँ प्रायः युट्युबमा भिडियोहरू हेर्नुहुन्छ र थाहा छ कि यसले धेरै डाटा खपत गर्छ। तर सायद तपाईलाई थाहा छैन कि यसमा डाटा खपत कम गर्ने विकल्प पनि छ। तपाईं यसको रिजोलुसन घटाएर युट्युबमा भिडियो हेर्न सक्नुहुन्छ। अर्कोतर्फ, यदि तपाइँ एउटै भिडियो बारम्बार हेर्न चाहनुहुन्छ भने, तपाइँ यसलाई अफलाइन सेभ गर्नुहोस् र यसलाई तपाइँ जति पटक चाहानुहुन्छ हेर्नुहोस्। जसले तपाईँको डाटा बचाउँछ।

४. ईकमर्स साइट

अनलाइन किनमेलको लागि, तपाईंले विभिन्न ईकमर्श एपहरु इन्स्टल गर्नुहुन्छ। तर तपाइँलाई थाहा छ कि छैन्-यी एपहरूले तपाइँको फोनको डाटा पनि खपत गर्दछ। तपाईंले याद गर्नु भएको छ कि तिनीहरूले हरेक दिन धेरै नोटिफिकेसनहरू पठाइरहन्छन् र यसको लागि तपाईंको डाटा प्रयोग गर्छन्। फोन नेटवर्क चाँडै समाप्त हुनुको कारण यो पनि हो। यसबाहेक त्यहाँ राइड हेलिङ्ग सेवा, अनलाइन फूड डेलिभरी, ट्याक्सी सेवाहरू, समाचार एपहरू र अन्य धेरै एपहरू छन् जसले यस्तो नोटिफिकेसनहरू पठाइरहन्छन्।

५. अटो एप अपडेट

धेरै मानिसहरूको मोबाइल डाटा समाप्त हुन्छ किनभने तिनीहरूको फोनमा उपलब्ध एपहरू मोबाइल नेटवर्कमा नै स्वत: अर्थात अटो अपडेट हुन्छन्। एन्ड्रोइड फोनहरूमा दैनिक धेरै अपडेटहरू आउँछन् र तिनीहरूलाई अद्यावधिक गर्न इन्टरनेट आवश्यक पर्दछ। यस्तो अद्यावधिक गर्नु राम्रो हो तर तिनीहरूलाई अपडेट गर्नुहोस् जब तपाईं वाईफाई नेटवर्कमा कनेक्ट हुनुहुन्छ। नत्र तपाईको डाटा फोन नेटवर्कमा हराउनेछ। यसको लागि तपाईंले प्ले स्टोरको सेटिङमा एन्ड्रोइड फोनमा अटो अपडेट अफ गर्ने विकल्प पाउनुहुनेछ।