आइटेल एस २३ जून १४ मा भारतमा लन्च हुँदै

काठमाडौं ।

आइटेलले आफ्नो नयाँ फोन एस २३ को मूल्य र लन्च मिति खुलाएको छ।अमेजनको सूचीकरणका अनुसार, आइटेल एस २३ भारतमा जुन १४ मा घोषणा हुनेछ।

यो अमेजनमा भारु ८,७९९ को मूल्यमा खरिदका लागि उपलब्ध हुने तथा वान टाइम स्क्रिन रिप्लेस्मेन्ट अफरको साथ आउने छ।

आइटेल एस २३, ६.६ इन्च आइपिएस एलसिडी प्यानलमा वाटरड्रप नचको साथ आउने छ, जसले ९० हर्ज रिफ्रेस दर प्रदान गर्नेछ। भर्खरको लीक अनुसार, उपकरणले एचडी प्लस रिजोल्युसनलाई समर्थन गर्ने तथा यो सुरक्षाको लागि साइड-फेसिङ फिंगरप्रिन्ट स्क्यानरसँग सुसज्जित हुने बताइएको छ।

सूचीले आइटेल एस २३ लाई शक्ति दिने प्रोसेसर  को बारेमा बताएको छैन। यद्यपि, उपकरण ८ जीबीको र्याम, ८ जीबीको भर्चुअल र्याम र १२८ जीबीको युएफएस २.२ भण्डारणको साथ आउने उल्लेख छ। यसमा ५,००० एमएएच ब्याट्री रहने छ जुन युएसबी टाइपसी पोर्ट मार्फत चार्ज गर्न सकिने बताइएको छ।

आइटेल एस २३ मा अगाडि ८ मेगापिक्सेल क्यामरा हुने तथा यसको पछाडिको प्यानलमा एलईडी फ्ल्यासको साथ प्राथमिक ५० मेगापिक्सेल क्यामरा हुने बताइएको छ। एस २३ ले फोटोग्राफी सुविधाहरू, जस्तै एचडीआर, सुपर नाइट मोड, र १० एक्स डिजिटल जुम समर्थन गर्नेछ। यो ब्ल्याक र मिस्ट्री ह्वाइट सहित तीन रंग विकल्पहरूमा उपलब्ध हुने तथा मिस्ट्री ह्वाइट भेरियन्टले प्रकाश प्रतिबिम्बित हुँदा गुलाबी र हरियोको सङ्केत देखाउने पनि बताइएको छ।