Technology Khabar २६ जेष्ठ २०८०, शुक्रबार
काठमाडौं ।
चीनले फाइभजी उद्योगमा भर्चुअल प्राइभेट नेटवर्कको निर्माणलाई तीव्रता दिने र देशको फाइभजी अनुप्रयोगको परिदृश्यलाई समृद्ध बनाउने भएको छ।
चीनले फाइभजी र गिगाबिट अप्टिकल नेटवर्क जस्ता उच्च गुणस्तरीय नेटवर्कको कभरेजलाई निरन्तर रूपमा पूर्वाधारको रूपरेखालाई अप्टिमाइज गरी फाइभजी कारखानाको ब्याच निर्माण गर्ने चीनका उद्योग तथा सूचना प्रविधि मन्त्री जिन झुआङलोङले बेइजिङमा ३१औँ पीटी एक्स्पो चाइनाको उद्घाटन मञ्चमा बताए।
चाइना टेलिकमका अध्यक्ष के रुइवेनले भनेअनुसार कम्पनीले अब ३०० भन्दा बढी शहरहरू समाहित गर्ने गिगाबिट अप्टिकल नेटवर्कको साथ सबै-अप्टिकल नेटवर्क निर्माण गरिरहेको छ।
चीनको अर्को टेलिकम कम्पनी चाइना मोबाइलले फाइभजीका लागि करिब २०० अन्तर्राष्ट्रिय मापदण्डको नेतृत्व गरेको र ४,१०० भन्दा बढी पेटेन्टका लागि आवेदन दिएको बताएको छ।
चाइना टावरकाअनुसार कम्पनीले २ लाखभन्दा बढी कम्युनिकेशन टावरलाई ५जी र आर्टिफिसियल इन्टेलिजेन्सले सुसज्जित बनाएर स्मार्ट बनाएको छ।
चीनले अर्को पुस्ताको इन्टरनेटका साथै अन्य सीमा क्षेत्रहरूमा पनि ध्यान दिइरहेको र छैठौं पुस्ताको (सिक्सजी) सञ्चार प्रविधिको अनुसन्धान र विकासलाई व्यापकरूपमा अगाडि बढाएको पनि जिनले बताए।
देशले नयाँ प्रकारका सूचना पूर्वाधार सुविधाको विकास गर्न, सूचना प्रविधिको प्रयोगलाई तीव्रता दिने र औद्योगिक इन्टरनेटको एकीकृत एप्लिकेसनलाई थप गहिराइमा पुर्याउने उनले बताए।
मन्त्री जिनकाअनुसार उदीयमान क्षेत्रहरूको इन्क्युबेशनलाई छिटो बनाइनेछ, जबकि मोबाइल र अप्टिकल कम्युनिकेसनको क्षेत्रहरूमा देशको पूर्ण-औद्योगिक-श्रृंखला फाइदाहरू बढाउन प्रयासहरू निरन्तर गरिने शिन्ह्वाले रिपोर्ट गरेको छ।
प्रकाशित: २६ जेष्ठ २०८०, शुक्रबार