काठमाडौं ।
अमेरिकी पूर्व राष्ट्रपति डोनाल्ड ट्रम्पको सामाजिक सञ्जाल गुगल प्लेमा प्रतिबन्ध गरिएको छ। गुगल प्लेको नीति उल्लघन गरेको आरोपमा ट्रम्पको ट्रुथ सोसल माथि प्रतिबन्ध लगाइएको हो।
गुगलले ट्रुथ सोसलले शारीरिक धम्की र हिंसालाई उक्साउने जस्ता सामग्रीलाई निषेध गर्ने नीतिहरू उल्लघन गरेको बताएको छ।
गुगलको यो कदमसँगै एन्ड्रोइड फोन प्रयोगकर्ताहरूले एप प्ले स्टोरबाट डाउनलोड गर्न सक्दैनन्।
ट्रुथ सोसलका सीईओ डेभिन नुनेसले यसअघि गुगललाई ‘एकाधिकार’ भनेका थिए।
ट्रुथ सोसल फेब्रुअरीमा एप्पलको एप स्टोरमा सार्वजनिक गरिएको थियो, यद्यपि रोल–आउटमा समस्याको सामना गर्नु परिरहेको छ।
एन्ड्रोइड फोनमा अधिकतम डाउनलोड भएको एप अब गुगल प्लेमा उपलब्ध हुने छैन।
गत हप्ता ट्रुथ सोसलका सीईओले एप उपलब्ध हुने कि नपाउने निर्णय गुगल प्ले स्टोरमा निहित भएको बताएका थिए।
गुगलले भने ट्रुथ सोसल कम्पनीको नियमहरु पालना गर्न नसकेकाले प्रतिबन्ध लगाउनु पर्ने अवस्था सिर्जना भएको बताएको छ।
गुगलका प्रवक्ताले बीबीसीलाई भने, ‘अगस्ट १९ मा हामीले ट्रुथ सोसललाई मानक नीतिहरूको धेरै उल्लघन भएको सूचना दिएका थियौं।’
‘प्रयोगकर्ता-उत्पन्न सामग्री मध्यस्थताको लागि प्रभावकारी प्रणालीहरू गुगल प्लेमा कुनै पनि एप लाइभ हुनको लागि हाम्रो सेवा सर्तहरूको शर्त हो,’ उनले थपे।
समस्याहरू कसरी समाधान गर्ने भन्ने बारे ट्रुथ सोसललाई गुगलले सल्लाह पनि दिएको थियो।
यसमा विषयमा प्रतिक्रिया दिन बीबीसीले गरेको अनुरोध ट्रुथ सोसल स्वीकार गरेन।
ट्रुथ सोसललाई ‘स्वतन्त्र भाषण’ प्लेटफर्मको रुपमा वर्णन गरिएको छ।
प्रकाशित: १५ भाद्र २०७९, बुधबार
