अनलाइन र भौतिक उपस्थितिमा असारयता ५ लाख नयाँ मतदाता थपिए

Technology Khabar १९ श्रावण २०७९, बिहीबार

अनलाइन र भौतिक उपस्थितिमा असारयता ५ लाख नयाँ मतदाता थपिए

काठमाडौं ।

सरकारले प्रतिनिधि सभा सदस्य र प्रदेशसभाको चुनाव एकै चरणमा आउँदै मंसिर ४ गते गर्ने निर्णय गरेको छ। सरकारले निर्वाचन घोषणा गरेसँगै शुक्रबारदेखि मतदाता परिचय पत्र लिने प्रक्रिया बन्द भएको निर्वाचन आयोगले जानकारी दिएको छ।

स्थानीय तह निर्वाचनपछि गत असार १ गतेयता फेरि आयोगले मतदाता परिचय पत्र दिन थालेको थियो। असारदेखि साउन १९ गतेसम्म करिब ५ लाख मतदाता थपिएको निर्वाचन आयोगका प्रवक्ता शालिग्राम शर्मा पौडेलले जानकारी दिए।

अनलाइन र भौतिक उपस्थितिका आधारमा ५ लाख मतदाता थपिएको उनले जानकारी दिए।

आयोगले गत असार २९ गतेदेखि पाइलेट परियोजनाका रुपमा काठमाडौं उपत्यकाका ३ जिल्ला (काठमाडौं, भक्तपुर र ललितपुर) बाट अनलाइन फाराम भरी मतदाता नामावली दर्ता गर्न सकिने व्यवस्था गरेको थियो।

साउन ४ गतेबाट उपत्यका बाहिरकाले पनि अनलाइनबाटै मतदाता नामावली दर्ता गर्न सकिने व्यवस्था गरिएको थियो।

‘मतदाता नामवलीको सम्पूर्ण डाटा अध्यावाधिक गरिएको छैन,’ प्रवक्ता पौडेले भने, ‘यो अनलाइन र भौतिक उपस्थिति दुबैको एक मूष्ठ डाटा हो।’

अनलाइन र भौतिक उपस्थितिका आधारमा मतदाना नामावली दर्ता गराउनेको छुट्टा छुट्टै डाटा प्राप्त गर्न थप समय लाग्ने उनले जानकारी दिए।

easy care

प्रकाशित: १९ श्रावण २०७९, बिहीबार

ताजा समाचार

Vietnamese airlines use environmentally-friendly aircraft to realize net-zero emission targets

  • Technology Khabar
  • ७ जेष्ठ २०८१, सोमबार