क्रिप्टोकरेन्सी कारोबारी श्रेष्ठको क्यानाडाबाटै करोडौको अवैध कारोबार

Technology Khabar १९ श्रावण २०७९, बिहीबार

क्रिप्टोकरेन्सी कारोबारी श्रेष्ठको क्यानाडाबाटै करोडौको अवैध कारोबार

काठमाडौं ।

क्यानडामा बस्दै आएका अमित श्रेष्ठले अवैध रूपमा उतैबाट करोडौंको क्रिप्टो करेन्सी कारोबार गरेको खुलेको छ।

प्रहरीले असार २९ गते विशाल सिमेण्टका पूर्व सञ्चालक अमित श्रेष्ठलाई पक्राउ गर्यो। क्यानडाबाट आएको समय पारेर काठमाडौंको पानीपोखरीस्थित उनकै निवासबाट पक्राउ गरी अनुसन्धानकै क्रममा श्रेष्ठ क्रिप्टो करेन्सी कारोबारमा अबैध रुपमा लागेको प्रहरीले जनाएको पक्राउ परेका अमितको दुईवटा ल्यापटप र मोबाइल बरामद गरी डिजिटल फरेन्सिक ल्याबमा परीक्षणका गर्दा क्यानडाबाटै अबैध कारोबार गरेको खुलेको प्रहरीले जनाएको छ।

प्रहरीका अनुसार कमर्सियल वेल्थ बैंकबाट १ लाख ९४ हजार २ सय ८५ हजार डलरको कारोबार भएको छ। त्यस्तै रोयल बैंक अफ क्यानडामा पनि १८ लाख ७४ हजार ४ सय २१ डलरको कारोबार भएको थियो। त्यही बैंकमा शेयरको कारोबारसमेत भएको पाइएको प्रहरीले जनाएको छ।

श्रेष्ठले कारोबारमा विदेशी बैंकसँगै नेपाली बैंकको खातासमेत प्रयोग गरेका छन्। नेपाली बैंक अन्तर्गत एभरेस्ट बैंकमा २ करोड ६ लाख ६ हजार ६ सय ९२ र एनआइसी एसिया बैंकमा ६५ लाख २४ हजार ९ सय रुपैयाँ कारोबार भएको देखिन्छ।

त्यस्तै नबिल बैंकमा ६७ हजार ५ सय ९६ डलर र ६५ लाख रुपैयाँ कारोबार भएको अनुसन्धानमा खुल्न आएको छ।

उक्त रकम तथा कारोबार शंकास्पद भएकाले श्रेष्ठविरुद्ध बैंक तथा वित्तीय संस्था सम्बन्धी ऐन, २०७३ को कसुरमा काठमाडौं जिल्ला अदालतबाट म्याद थप गरी अनुसन्धान भइरहेको प्रहरीले जनाएको छ।

सरकारले क्रिप्टो करेन्सी, अनलाइन नेटवर्किङ, हाइपर फण्ड लगायत कारोबार नियन्त्रण गर्न अर्थ मन्त्रालयले सहसचिवको नेतृत्वमा उच्चस्तरीय कार्यदल गठन गरेको थियो। गत फागुन ३ गते कार्यदलको बैठक बसेको भएपनि निष्कृय देखिएको छ।

प्रकाशित: १९ श्रावण २०७९, बिहीबार