Technology Khabar १६ जेष्ठ २०७९, सोमबार
काठमाडौं ।
सवारी चालक अनुमति पत्र (स्मार्ट ड्राइभिङ लाइसेन्स)को अनलाइन फारम खुलेको छ।
यातायात व्यवस्था विभागले आज (सोमबार) साँझ ६ बजेदेखि ड्राइभिङ लाइसेन्सको अनलाइन आवेदन फारम खुलाएको हो।
साढे २ महिनादेखि बन्द रहेको ड्राइभिङ लाइसेन्सको अनलाइन फारम प्रणाली जेठ १६ गतेदेखि सञ्चालनमा आएको हो।
विभागले २०७८ चैत १ गतेदेखि लाइसेन्सको अनलाइन आवेदन प्रणाली बन्द गरेको थियो। लाइसेन्स लिन चाहने सेवाग्राहीको अधिक चाप र सर्भरमा देखिने समस्याका कारण विभागले अनलाइन प्रणाली नै बन्द गरेको थियो।
आजदेखि लाइसेन्स लिन चाहनेले applydl.dotm.gov.np लगईन गरी नयाँ लाइसेन्सको आवेदन फारम भर्न सक्छन्।
प्रकाशित: १६ जेष्ठ २०७९, सोमबार
