भारतमा इलेक्ट्रिक भेहिकल चार्ज स्टेशन राख्न अनुमति नचाहिने

Technology Khabar ५ माघ २०७८, बुधबार

भारतमा इलेक्ट्रिक भेहिकल चार्ज स्टेशन राख्न अनुमति नचाहिने

काठमाडौं ।

भारतमा विद्युतीय सवारीसाधनको बजार द्रुत गतिमा लोकप्रिय बन्दै गएको छ। अहिले सिमित मात्रामा मात्रै विद्युतीय सवारीसाधन बिक्री हुने भएपनि सर्वसाधारणले भने विद्युतीय कार, विद्युतीय स्कुटर र विद्युतीय बाइक जस्ता विद्युतीय सवारीसाधनप्रति चासो देखाएका छन्। यद्यपि, उच्च लागत, चार्जिङ स्टेशनहरूको अभाव र सीमित विकल्पहरू इभीदेखि दूरीको कारण बनिरहन्छ।

तर भारतमा विद्युतीय सवारी चाहनेलाई भारत सरकारले ठूलो उपहार दिएको छ। भारत सरकारले अब ईभी चार्जिङ स्टेसनका लागि कुनै पनि प्रकारको लाइसेन्स नपर्ने घोषणा गरेको छ।

भारतीय मिडियाहरुका अनुसार भारत सरकारले देशमा विद्युतीय सवारी साधनलाई प्रवर्द्धन गर्न ठूलो कदम चालेको बताईएको छ। भारत सरकारले नयाँ दिशानिर्देश जारी गरेको छ, जसअनुसार अब देशका कुनै पनि व्यक्तिले आफ्नै चार्जिङ स्टेशन स्थापना गर्न सक्नेछन्।

सबैभन्दा ठूलो घोषणा भनेको विद्युतीय चार्जिङ स्टेशन सुरु गर्न कुनै अनुमति वा इजाजतपत्र आवश्यक पर्दैन। कुनै पनि व्यक्तिले आफ्नो घरमा नै विद्युतीय सवारी साधन चार्ज गर्न सक्नेछ र यसका लागि सरकारी कागजात आदि आवश्यक पर्दैन।

हालसालै भारत सरकारले विद्युतीय चार्जिङ स्टेसन स्थापना गर्ने नियम परिवर्तन गरेको छ। अब पब्लिक चार्जिङ स्टेसन खोल्न सरकारबाट लाइसेन्स लिनु नपर्ने भएको छ। नयाँ दिशानिर्देशकाअनुसार विद्युतीय सवारी आफैं चार्ज गर्नका लागि केही सर्तहरू भने पालना गर्नुपर्नेछ, जसमा सुरक्षा मापदण्डका साथै पूर्वाधारसँग सम्बन्धित केही प्रोटोकलहरू समावेश छन्। नयाँ नियमपछि अब कुनै पनि व्यक्तिले आफ्नो घरमै विद्युतीय सवारीसाधन चार्ज गर्न सक्नेछन् ।

इलेक्ट्रिक भेहिकल मालिकले अतिरिक्त भोल्ट खपत अनुमति लिनु पर्दैन। जुनसुकै व्यक्तिले आफ्नो विद्यमान विद्युत कनेक्सन प्रयोग गरी आफ्नो घर वा कार्यालयमा विद्युतीय सवारी साधन चार्ज गर्न सक्छन्।

ऊर्जा मन्त्रालयद्वारा संशोधित दिशानिर्देशहरू अनुसार सुरक्षित, भरपर्दो, सजिलो र लागत-प्रभावी चार्जिङ पूर्वाधार अपनाएर भारतमा विद्युतीय सवारी साधनहरू द्रुतरूपमा अपनाउन सकिने राम्रो इको-सिस्टम सुनिश्चित गर्ने उद्देश्य रहेको छ।

प्रकाशित: ५ माघ २०७८, बुधबार