भक्तपुरको माध्यमिक विद्यालयमा ‘एक शिक्षक एक ल्यापटप’ कार्यक्रम

Technology Khabar ३० पुष २०७८, शुक्रबार

भक्तपुरको माध्यमिक विद्यालयमा ‘एक शिक्षक एक ल्यापटप’ कार्यक्रम
सांकेतिक तस्बिर
NTC_Advt

काठमाडौं ।

भक्तपुरको सूर्यविनायक नगरपालिकाको सरकारी विद्यालयले ‘एक शिक्षक, एक ल्यापटप कार्यक्रम’ सुरु गरेको छ। सूर्यविनायक–८ सिपाडोलको गणेश माध्यमिक विद्यालयले सो कार्यक्रम लागू गरेको हो । कार्यक्रमअनुसार विद्यालयका शिक्षकले ल्यापटप पाएका छन् ।

विद्यालयका प्रधानाध्यापक रवीन्द्रकुमार थापाकाअनुसार विद्यालयका २० शिक्षकलाई ल्यापटप वितरण गरिएको छ। अहिलेको समयअनुसार पठनपाठन गराउन र शिक्षण सिकाइलाई प्रभावकारी बनाउन आवश्यक रहेको बताउँदै शिक्षकलाई सूचना प्रविधिमैत्री बनाउन सहयोग गर्न ल्यापटप वितरण गरिएको उनले जानकारी दिए।

ल्यापटप कार्यक्रमका लागि वडाध्यक्ष, समाजसेवी तथा व्यवसायीले सहयोग गरेको उल्लेख गर्दै केही नपुग रकम विद्यालयको आन्तरिक स्रोतबाट व्यहोरेको बताईएको छ।

वडाध्यक्ष एवं सोही विद्यालय व्यवस्थापन समितिका अध्यक्ष किरण थापाकाअनुसार महामारीका समयमा पठनपाठन गर्न नसक्ने अवस्थामा पनि पठनपाठनलाई निरन्तर बनाउन शिक्षकलाई ल्यापटप दिइएको हो।

प्रकाशित: ३० पुष २०७८, शुक्रबार