Technology Khabar ६ मंसिर २०७८, सोमबार
काठमाडौं ।
विशेष गरी एन्ड्रोइड ओएसमा गुगल प्ले स्टोरमा सूचीबद्ध नभएका एपहरूमा र मालवेयर-प्रभावित एपहरू फेला पार्नु धेरै सामान्य भएको छ। प्रयोगकर्ताहरूले त्यस्ता गैरकानूनी र खराब एपहरू डाउनलोड गर्ने प्रयास गर्छन् ताकि कुनै पनि भुक्तानी बिना प्रिमियम एपहरूमा पहुँच प्राप्त गर्न सकिन्छ।
हालै गुगल प्ले स्टोरबाट मालवेयर प्रभावित ७ एप हटाइएका छन्। अब अर्को नयाँ रिपोर्ट सार्वजनिक भएको छ, जसमा फोनस्पाई नामक मालवेयरको बारेमा जानकारी आएको छ।
एन्ड्रोइड उपकरणहरू यस मालवेयरमार्फत लक्षित रहेको बताईएको छ। वास्तवमा यो खतरनाक मालवेयर वा भाइरस २३ एपमा भेटिएको छ ।रिपोर्टकाअनुसार ह्याकरहरूले यो मालवेयरमार्फत प्रयोगकर्ताको स्मार्टफोनमा जासुसी गर्छन् र व्यक्तिगत जानकारी चोर्छन्। रिपोर्टका अनुसार यो मालवेयरको असर अमेरिकी र कोरियाली बजारमा देखिएको छ ।
फोनस्पाई (PhoneSpy) मालवेयरले विशेष गरी प्रयोगकर्ताको स्मार्टफोनमा रहेको महत्त्वपूर्ण डाटा चोर्छ। प्रयोगकर्ताको व्यक्तिगत डाटामा मेसेजहरू, कलहरू र डिभाइस लोकेसन आदि जस्ता जानकारी समावेश हुन्छन्।
यी मालवेयरहरूले २३ एपहरूमार्फत प्रयोगकर्ताको स्मार्टफोनको माइक्रोफोनमा पहुँच सक्षम गरेर अडियो र भिडियो रेकर्डिङमार्फत डाटा ट्रान्सफर गर्छन्। यति मात्र होइन, यो मालवेयर यति खतरनाक छ कि यसले उपकरणको आईएमईआई नम्बर, मोडेल नम्बर र ब्रान्डको जानकारी पनि चोर्छ।
जिम्पेरिअम नामको मोबाइल सेक्युरिटी एजेन्सीले यो मालवेयरबाट प्रभावित एपहरूले प्रयोगकर्ताले फोनमा इन्स्टल गरेका एपहरू अनइन्स्टल गर्ने गरेको जानकारी दिएको छ। यति मात्र होइन, यसले प्रयोगकर्ताले इन्स्टल गरेका सेक्युरिटी एपहरू पनि अनइन्स्टल गर्न सक्छ। यसबाहेक, यसले रियल टाइममा डिभाइसको सही लोकेसन ट्रान्सफर गर्दछ। यति मात्र होइन, यस मालवेयरबाट प्रभावित यी २३ एपहरूले प्रयोगकर्ताका सामाजिक सञ्जाल एपहरू फेसबुक, इन्स्टाग्राम, ट्विटर, गुगल र काकाओ टक पनि प्रयोग गर्छन्।
गुगल प्ले स्टोरबाट कुनै पनि एप डाउनलोड गर्नुअघि उक्त एप गुगल प्ले स्टोरबाट प्रमाणित छ वा छैन भनी जाँच गर्नुहोस्। साथै, कुनै पनि तेस्रो पक्षिय स्रोतमार्फत आफ्नो फोनमा एप इन्स्टल नगर्नुहोस्।
प्रयोगकर्ताले एसएमएस वा इमेलमार्फत पठाइएको लिङ्क वा फाइलबाट कुनै एप इन्स्टल नगर्न पनि ध्यान दिनुपर्नेछ। साथै, व्हाट्सएप वा अन्य कुनै प्लेटफर्म प्रयोग गरेर पठाइएको लिङ्कमा क्लिक गरेर एप कहिल्यै इन्स्टल नगर्नुहोस्।
प्रकाशित: ६ मंसिर २०७८, सोमबार
